今日年初三，同大家拜年，祝大家健康快樂！
但在分秒間失去至愛的大埔人，這個新年怎麼過？
他們尋求光
但只有電視白色的照片
影子，冷和硬
為什麼
荒謬的瓦礫
時間嘆息
等待天空
（字詞來源：《雪櫃的詩歌》）
我哋香港人，舊年唔開心嘅事亦好多，一年之始，不如用詩歌對抗憂鬱，好嗎？
用呢盒《雪櫃的詩歌》(kylskåpspoesi)，人人都可以作詩。《雪櫃的詩歌》共300多個磁貼，每個磁貼上有一字詞，用你哋嘅直覺，喺字詞中揀D 合心水嘅，便可組合成詩，好容易。起早D身，作首詩俾另一半或家人，俾個驚喜佢哋，係咪好溫馨好浪漫呢？
骷髏小姐憑直覺，冇諗太多，好快完成一首唔係詩嘅詩，講吓我哋香港人過去一年嘅處境心情同新年祝願。之後，諗下而家係新年，應該喜慶D，所以用第一首同樣嘅字詞，再拼湊組合成樂觀版。骷髏小姐係厚顏大神唔怕醜，請多多指敎。
至於點樣同呢個《雪櫃的詩歌》相遇，有段古。話説今年夏天去了瑞典一小城，小城沒甚麽瞄頭，碰巧旅客中心職員友善兼資訊豐富，於是得寸進尺，説想了解當地小企，取得兩間小企地址，其中一間是生產版圖遊戲（Board Game）。對這沒有預約而叩門的不速之客，對這個開宗明義已説明並非有興趣的買家，只是想透過了解小企，以增加對瑞典了解的無聊人，小企職員不單沒給閉門羹，還超熱情接受「訪問」，用心解答骷髏小姐對產業產品的一大堆問題，交流十分愉快，職員還說有香港人到訪，不亦樂乎。這本已喜出望外，還不止，第一間小企更送我兩份公司的遊戲產品，其中一份就是《雪櫃的詩歌》(kylskåpspoesi)。
以下喺遊戲嘅字詞，大家一齊玩吓啦。原文係瑞典文，靠Google大神翻譯，錯漏不足，請指正。
附：《雪櫃的詩歌》的字詞
