眾新聞 Logo
眾新聞 CitizenNews
眾說

葉蔚琳大勝鄭若驊!


九巴車長、「月薪車長大聯盟」葉蔚琳。香港電台圖片

嘩!真係佩服葉蔚琳,大把上市公司公關阿頭要汗顏,收皮,人家萬多元人工,你們幾百萬年薪,講嘢都沒有葉車長流利。

阿葉好像是企慣記者面前十年的老手——慢慢俾多角度影相好交差——辛苦各位呀——回家沖涼換衫啦!幾點請各位返嚟呀!

更重要的是講嘢條理分明,不卑不亢,吐字清晰,眼神堅定。

淡淡化粧,企得正,個人形象佳。

你睇吓嗰個鄭若驊,讀書一定比車長多,你咁多degree,隨便搣一個學位都高過阿葉。但你的形象多麼鬼鼠!答質詢從來冇光明磊落,一係就「唔在意」,一係就被人問六次才承認有份DQ周庭,卸膊俾DQ主任,一地兩檢又不回應是否違反《基本法》,最後還不上立法會解釋,個人形象就從無笑容,一臉深沉。睇下眾新聞阿葉條片啦司長,學下嘢。

冇嘢嘅,人有道理,有目標,自然神彩飛掦,車長也三十小時冇瞓覺啦,「很忙呀」!車長可能忙過司長你。人無道理,就玩逃避記者,不蒲頭。

不關讀書多少,地位高低事,關道理事。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe