我在沙田泳池游完水，出嚟一睇，嘩，乜張相影得咁雞㗎（下圖）！黃成智的助選團是不是有心整蠱？
編輯教落，交相最好就白天光猛相，不要蒙蒙鬆鬆，交人氣相就要睇到對眼。你睇下黃成智張相犯晒大忌，成個黑仔，眼鏡遮眼，正冇運行相。真係有心影都影唔到咁樣衰。
偏偏旁邊就是對手㗎喱飯的banner，雖然被人劃花勁插，但張相總算是四四正正，臉光頸靚，其實要影到如此效果，也很容易。
想起上次黃成智那個「中間超人」look，冰島的老友也傳回給我笑爆！
所以，佢嘅競選經理，形象，影相的伙記，應該係同佢有仇。
多年前黃成智在民主黨的時代，好似叫做老虎仔，形象頗fit和今天大大不同。嗰句話——橘逾淮而成枳——永遠啱。
佢都六十歲，不如收工啦，公眾泳池六十歲，半價，多D游水吧。
