眾新聞 Logo
眾新聞 CitizenNews
眾說

九巴玩秋算玩得超低B!


 

今早大把朋友都說,九巴高層是不是屎忽痕?是不是儍的?

人地一成立公會,咁快就即炒人,全世界都話你玩秋後算賬啦!俾位人地入。好,你玩秋算,你咪炒人時,講埋有上訴機制啦!又唔講,我不相信是疏忽。根本是想即炒人即走。

好啦,搞到各候選人,各工會工友疊齊馬半夜到車廠叫口號,眾新聞直播,人人睇到即炒三人──即收職員證──製造咁煽情嘅場面,一路升溫,民意已偏向支持雞蛋及反高牆了。於是到了凌晨談判後,就跪低話唔炒住,仲有上訴玩添。

聲授九巴車長的工會和政黨人士凌晨在九巴茘枝角車廠外集會,前一天下午被炒的葉蔚琳一度落淚。何君健攝

根本就進退失據,自製公關災難,真是屁股癢。

又是選舉期近,人人揾位入,此時玩秋算,九巴根本無政治智慧。

我最擔心倒是,現在香港為什麼搞成咁?一間上市巴士公司,年薪百萬計的高層會作如此低端的決定?毫無公關、管理的智慧可言。

做行政的人,未想進,要先想退,凡事要捉棋般想定下兩三步,但九巴連這些ABC也不知。

私人公司如此,政府的律政司司長也如此,我都唔想再講啦!

林鄭抽水話處理此次勞資糾紛──有改善空間,哈哈,你和鄭若驊才有更多改善空間就真!

唔通香港真係冇人?還是那幾句爛話──劣幣驅逐良幣,橘逾淮而成枳,一蟹不如一蟹。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe