今天立法會補選投票日，香港島柴灣漁灣選區，過去是焦點。2015年區議會選舉，民主派徐子見擊敗在區內紮根24年的民建聯鍾樹根，被視為創造「奇蹟」。2016年立法會選舉，漁灣是香港眾志羅冠聰的第二大票倉。今次區諾軒頂替被DQ的香港眾志周庭出戰，區諾軒能否吸納昔日漁灣區羅冠聰的票源？在區內服務兩多年的徐子見認為難以評估：「從市民接單張的態度和表現，今次比羅冠聰嗰陣相對冷淡。」
2015年區議會選舉，空降漁灣的徐子見，以2026票擊敗1863票的鍾樹根，事後他從居民意見得知，鍾樹根的主要落敗原因是少理當區事務，試過有街坊向鍾樹根查詢英文文件內容，鍾樹根劈頭就問：「你屋企有無後生仔啊？有就拎返去俾佢啦。」徐子見當選後，2016年不少街坊投票支持羅冠聰。
但徐子見卻擔心今次補選，因選舉氣氛冷淡，整體投票率較預期低，「我上次都有選立法會選舉，但今次年輕人行過唔想理，政綱連望都唔望。」他分析，今次區諾軒未必能全數吸納羅冠聰的票源，「一來唔識佢，見都未見過。」、「有後生仔同我講上次選阿聰的原因，係叫佢『衝』、係立法會入面衝。」、「今次激進嗰班肯唔肯投呢？有啲朋友話唔投，寧願射落海。」
徐子見認為，DQ風波、一地兩檢等事件，令街坊灰心。昔日投羅冠聰的，或有感他上任不足一年便被DQ，對前路感到疑惑，區諾軒也未必是他們的心水選擇。
3.11補選香港島候選人包括：區諾軒、陳家珮、任亮憲、伍迪希。
