立法會選舉新界東選區，曾是本土派的戰場。2016年2月的補選，本土民主前線梁天琦雖然落敗卻取得高票；同年9月的換屆選舉，青年新政梁頌恆當選。今天3.11補選，未有提倡港獨或自決人士成功入閘。眾新聞訪問了兩位新界東本土派支持者，他們不支持建制，又認為泛民候選人「揀唔落手」，寧可票投他人或投廢票，也不「含淚投票」。
陳先生住在馬鞍山多年，稱支持港獨，認為不可以排除其他出路的可能性，但他今次補選卻支持報稱獨立「屢敗屢戰」的方國珊，認為她是較好的選擇，「選舉係比較，可能佢喺以前唔係最好，但係到而家嘅時候係較好嘅選擇。」、「其他都各有問題，而佢嘅問題較少。同埋見佢咁多年都幾堅持參選，喺唔想投建制嘅前提，又唔想投泛民，咪投啲中間嘅候選人囉。」
陳先生在2012年立法會選舉投票給社民連梁國雄，但到2016年2月立法會補選，他投了梁天琦，被梁的政治理念打動，覺得其演講激勵人心。2016年9月立法會換屆選舉，梁天琦因提倡香港獨立，即使簽署了選舉確認書指自己擁護《基本法》，選舉主任認為他並非真誠擁護，取消他的參選資格。青年新政梁頌恆補上，陳先生亦投了他一票。
住在馬鞍山的陳小姐，同樣先後支持梁天琦及梁頌恆，她認為是次補選沒有本土派候選人，沒有人可以代表到她，但為了履行公民責任，選擇投下廢票。
被問到為何不喜歡泛民，陳小姐說：「佢哋淨係用口講，（投票時）可能只係差一、兩票佢哋都可能唔喺到，甚至可能投咗贊成票。有時泛民講嘅係，政府都開始咗啦，咁我撥呢啲款，政府真係要再加多啲錢，無理由半途而廢。」陳小姐以沙中線追加撥款為例，「佢哋（泛民）會有人唔喺到啊，或者佢哋真係投贊成。」翻查資料，沙中線追加撥款上年審議，在10名非建制派議員缺席下，8億項目以25票贊成18票反對下通過。陳先生有同樣感覺，稱「原本佢哋有能力否決一啲唔好嘅議案，咁佢哋缺席呢，變到係建制通過咗。」
他們同樣不滿建制。被問到若民建聯工聯會的鄧家彪，因為他們不投泛民支持的范國威而當選，陳先生指「樂見此情況」，認為議會在修改議事規則後，議會逐漸失效，有沒有范國威也沒有大分別。陳小姐則不樂見鄧家彪當選，不過指：「全部人都代表唔到我，我先投廢票，咁如果大部份嘅人都撐鄧家彪，咁咪當係谷爆個香港先囉......可能啲人未見到香港衰到最底，都唔覺得香港衰呢，咁咪谷爆佢囉。」
兩人同樣認為，社會應轉戰街頭抗爭。陳先生表示：「勇武抗爭嘅話，可能都係少部份嘅人支持，咁好似梁天琦佢真係坐監，完全係為一班唔值得佢哋去付出嘅人爭取。」但他認為，最終都需要如孫中山一樣革命；陳小姐對有人提倡勇武抗爭，稱「要睇政府對你做過啲咩囉」、「點解要用暴力，因為政府都係咁樣對你嘛，每個學生佢哋都無嘢攻擊你嘅時候，你就好似合法哋攻擊啲學生，呢啲咪會令人好嬲嘅嘢。」但她認為，需有良好組織及說服力才可行動。
新界東候選人包括：鄧家彪、范國威、方國珊、黃成智、陳玉娥、趙佩玉。
