眾新聞 Logo
眾新聞 CitizenNews
眾說

又嚟啦!駿銘仔呢次打爆缸!


Now新聞的記者徐駿銘被公安粗暴上扣帶走,額頭受傷。Now新聞網站照片

又嚟啦,話口未完,NOW的攝影記者徐駿銘,又在北京,先被勁㩒到臉貼地——「接地氣」,然後被手銬塔上警車,打到出血啦,佢最關心的事竟然首先是自己的眼鏡,「我的眼鏡呢?」旁邊有一女人大叫公安流氓「必有報應」,話之你,報應在遠,拳頭在近。駿銘仔要入院驗傷了。

搵食艱難,前兩天四川地震的有綫電視記者浩暉仔,被兩條光頭「拳王」,打鑊金。事件都好似冇乜進展喎,至今冇聽過有人被捕喎?睇個樣不了了之啦!

點知今日又嚟一次,看來香港記者,返大陸畀人打爆缸,已經是一種恆常——指定動作,公司要替他們買重些燕梳先得。

我前兩日都講到,打交,最怕這種光光地頭肥肥黑黑的便衣公安,嚇都嚇死,今天NOW電視所見的,又是這些人,以後香港記者回大6,真係見到光頭佬都有陰影——「見光死」。

香港的國民教育科也必要有一段——以後同學們畢業做記者回偉大祖國採訪,要報喜不報憂,正能量,愛國愛黨,否則爆缸後果自負。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe