讀者回應，永遠比我精釆多。
剛剛有讀者話──「今次又有冇設計對白話──NOW記者徐駿銘大叫香港獨立，所以俾人又拉又打呀？」
上次網上五毛屈四川探訪地震的有線記者陳浩暉講「支那」，所以被兩名「正義」四川拳王揼。睇下今次啲五毛黨，又有乜嘢可以用來嚟砌駿銘仔？其實咁樣老屈靚仔記者，真是十分冷血， 記者頭上手上腳上均有傷口，正式是「在他們的傷口上灑鹽」，令人髮指。
哈哈！大6公安，為何收咗駿銘仔記者證？原來係話驚這記者證是假的，要收去「檢驗」。順便拉埋阿銘。所以話，原來祖國公安的防偽意識咁强，認為記者證也有假的。假貨意識，早己全銀河系都知，公安無時無刻不在腦中 。其實當然是藉口。
阿銘要寫悔過書先走得，這也是絕對「正常」的祖國指定動作啦！老實講，俾我是記者，我也一定寫！以後記者上大陸採訪，除了準備頭盔，買重燕梳，亦要download及print定各式悔過書 ，總之永遠都是你的錯誤，偉大祖國是不會錯的——所以話，你們年輕人不瞭解祖國國情！
大佬呀！咁嘅國情，叫我哋點同你接軌呀，阿哥！
