眾新聞 Logo
眾新聞 CitizenNews
眾說

祖國是講人拳的!


 

「祖國是講人拳的!」——今日讀者回應的金句。「人拳」兩個字講晒,冇嘢補充啦。

哦!原來國務院發言人一直是講「人拳」,是我們聽不懂,以為是人權。真是太天真太儍,扺俾人打。

哈哈,有些懷念 ,四川的兩條拳王,現在是不是「依法處理」中?冇聲氣嘅?還是在什麼都江堰少年宮,教四川蛾眉派武功絕招,或者「新時代社會主義九陰白骨爪」?
又有讀者回應:「唔嗱嗱聲簽完悔過書就走人,想坐監至肝癌死?」

這是典型我們香港人的醒目踏實思維方式,咁嘅政權,你同佢堅持?戇居傻仔,快手簽完走人啦!佢叫我寫乜就寫乜,叫我寫我老豆是女人我都寫,留得青山在,滿足吓共產黨要屈人寫悔過書的——肛門期自慰心理。

此外,你如果小心再睇吓條片,你會看出,原來昨日拉銘仔的,應該是兩幫人。當駿銘仔一路被拉打甩眼鏡,一路問 ——「我的眼鏡呢?」身後有一名四眼公安肥仔,攞住銘仔的眼鏡,騰矖雞,不知如何是好,儍呼呼地跟著行。而拉銘仔的打呔的幾條便衣大漢,則顯然是老海鮮,則可能人是國安人員,手腳都唔同level,拉人是非常專業 ——㩒人貼地,落孖葉時爽手利落——和肥仔公安,是兩碼事。可能這四眼肥仔宅男公安,平日只識捉小販呀,捉過馬路呀,拉鹹濕佬之類,從未見過如此「政治化」場面。哈哈,不妨睇多次。

至於銘仔,為何咁注重自己的眼鏡?一路被扯住行一路問宅肥公安「我的眼鏡呢?」——哦,答案簡單啦,是因為香港記者人工低,一副德國鏡片眼鏡,分分鐘要銘仔半個月人工!係我都大叫啦!轉工啦!建議銘仔回香港,轉去《大公報》做,人工高,文章又容易寫,不必用腦,返大6採訪一響朵就絶對安全。考慮吓啦。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe