周浩鼎昨天被記者問平反六四的看法，他左諗右諗——佢呢個「諗樣 」，傳遍全世界。
你仔細看，他先是低頭，扮拗痕很多秒，眼球左右閃動，不斷眨眼，明顯正在盤算如何走位過骨，用大陸的用語是——「內心中正進行激烈的思想鬥爭」。
心理學上的，心理生理學——psychophysiology 其中有研究對象的眼動——eye movements、眨眼、身體語言，來量度對象的內心世界。測謊機部分也是這個原理。
阿頂有冇講大話？你自己看自己判斷喔。
真係辛苦佢，想了十秒鐘，才擠出幾個字——我不贊成平反六四，因為國家歷史已經有公論。
他當年冇回偉大祖國讀書喔！他去的是萬惡的大英帝國，倫敦大學政治經濟學院（LSE）的畢業生，棄暗投明，今天是民建聯的副主席，但講嘢是根據國家的公論，冇自己主意。
為什麼阿頂講句平反也這樣的鬼鼠？為什麼你的團隊人人都這樣逃避講六四？講幾個字都諗咁耐，你需要轉介去見語言治療師嗎？
冇嘢嘅，因為佢哋亦知道，六四是一定會平反的，到時又不知說什麼好。不過唔使驚呀細佬，你們的面皮咁襟撈，到時又用諗様這招，又過骨。
