眾新聞 Logo
眾新聞 CitizenNews
眾說

給快畢業/失業嘅你:二十一歲的迷思與抉擇(1)


 

【撰文:若水】
作者 做過投行,現在喺一間創投基金做嘢,係一個九十後的金融/創投人

蔡東豪寫過四十五歲的抉擇,葉朗程話再早d,三十五歲就要抉擇。我話,你二十一歲就要面臨你人生嘅第一個大抉擇。我知,因為我經歷過。

迷思:趕不上時代的巨輪嗎?

網絡照片

望住你嗰套畢業袍,你不禁對未來有無限得憧憬。
 
就嚟畢業嘅時候,唔係讀醫,又唔係讀law嘅你,總會羨慕吓邊個邊個拿到邊間跨國銀行月薪7萬嘅Offer(係啊,你冇睇錯,係月薪7萬,可能係你阿爸阿媽做足二十年都搵唔到嘅月薪),又邊個邊個拿到Big 3顧問公司嘅Offer,畢竟人哋做一年嘢飛嘅里數已經夠Marco Polo Silver Club嘅membership資格,得閒可以check in吓Bali嘅Client Office,又或者去吓法國advise吓個client要唔要買個酒莊。
 
當所有人都在趕嘅時候,你發覺自己如果咩工都冇嘅時候,直頭就唔好意思再見人,因為搵唔到工就好似愧對祖宗十八代祖先,老豆老母供書教學教咗個對社會生產力係負嘅廢人。

網絡照片

最慘係,周邊搵唔到工嘅人多的是,但係礙於面子問題,冇人會話俾你聽佢地自己其實都好大壓力。就係因為咁,你用以前讀書時候,化壓力為動力嘅心態,開始狂寄求職信。我親眼見過,一個讀所謂神科嘅朋友,狂寄100封求職信仲chur過馬明,只是為求搵到份工,唔好令老豆老母朋輩失望。
 
結果,這個教育制度下教科書式的完美產物,係香港都係一畢業就失業。
 
問題係,讀書一路順風,只代表你很會玩考試這一套有固定規則遊戲,僅此而已。考試成功,並不代表做嘢會飛黃騰達。The real world doesn't work this way.
 
簡單嚟講,每個啱啱畢業的人,對老闆來講,都係一個MVP,係Minimum Viable Product,根本就只係勉強能用,錯漏百出。話知你讀書讀到曉飛都好,你對公司嘅價值增值都係仲低過零,因為老闆要花時間教你。既然係咁,係假設請人成本均等的情況下,人哋與期要一個努力讀書,分數高但人脈一般的人,定係要一個讀書麻麻,但係有家底,幫到老細帶生意嘅後生?
 
這個問題,唔駛我答你掛?
 
所以,趕唔趕得上時代巨輪,根本同讀書勤力,考得好唔好毫無關係。故事教訓,如果你係一個一直努力讀書嘅好學生,但係都找不到工作,唔一定係你嘅錯。

抉擇:認清你的機會成本

網絡照片

讀大學嘅時候,個個商科生都有個做個中環上等人嘅夢。
 
有時睇吓ig,碌下facebook,見到俾你早幾年出身嘅師兄師姐影吓自己去咗邊度遊埠,去咗邊個遊艇船P,又「呻」下自己交咗幾多稅,這一切一切都令你覺得無論幾唔鍾意都好,你必須發奮找到一份係IFC返工嘅高薪厚職,如果唔係咁做,你見到嘅一切就成為你放棄嘅機會成本。更何況,讀書一向唔差嘅你,又點會接受人工得萬三?過時過節點同親戚交代啊?
 
不過,冇人話俾你聽,比你打入中環做到iBank,做完Analyst/Associate,搵份糧都係唔夠供樓,因為有咁上下地位,就要配上咁上下價錢既地段。當然,呢個仲未減去你每逢禮拜五同d同事落Bungalow pop幾tray Champagne要埋嘅單。你嘅師兄師姐嘅FB同IG,同樣無話俾你聽,你係呢d睇落五光十色嘅行業挨足十年十五年,假設一切順利,升到做Managing Director/Partner/Department Head,你都最多只係做一個Net Worth唔過幾千萬,比上不足,比下有餘嘅專業人士。
 
唔係話做iBank,做專業人士唔好,但係如果你係為錢而做嘅,咁你就完全睇錯事實。
 
亦因為咁,你絕對應該趁年輕博一舖。
 
用Expected Value 計吓,走專業人士條路,只需要你考到某些專業資格,比如考到個牌的話,能當上會計師嘅Probability 非常高,但係expected return,包括你的工作滿意度同工資拉勻只是不過不失;如果你追隨你嘅夢想,成功的可能十個只有一個,但成功嘅回報係以億計。簡單來講,probability很低,但expected return奇高。二者對比嘅expected value唔敢講邊個高邊個低,不過後者嘅好處係,你今日就可以為你嘅夢想開始奮鬥,贏輸,都係自己嘅。
 
所以,你做中環上等人嘅機會成本,其實就係你Forgo嘅呢個upside。

網絡照片

請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe