眾新聞 Logo
眾新聞 CitizenNews
眾說

【政治小劇場】元秋護狗


盧葦:ANN姐,救命呀喂,幫手呀喂

元秋:一哥,乜事咁慌張呀?

盧葦:我有個伙記,係街查人身份證,問人攞埋電話地址,想溝人,話要人做佢女友...

元秋:哦,依單嘢!當班警1比0,YEAH...

盧葦:唔好玩啦ANN姐,好頭痛呀,宜家條女報警投訴要追究到底呀!

元秋:喂,咁又抵幫喎,分明濫用職權借公謀私喎,完全破壞警隊形象喎!

盧葦:係呀,如果我哋認衰就真係破壞警隊形象架,所以我哋幾大都唔可以認.....

元秋:唔認都唔得啦,人哋有晒證據拍晒片

盧葦:唔認住先都得掛?

元秋:哦,所以你話一定會認真調查係拖住先,博人唔記得呀?淡化咗冇件事呀?

盧葦:咁公關101就梗係拖得就拖架啦...

元秋:唉,族大有乞兒,你三萬幾個警察保得幾多個呀?計我話殺一儆百先有阻嚇性

盧葦:吓?即殺呀?班友又去太子道遊樂會集會叫我落台都似!ANN姐,你知唔知道我嘅首要任務係乜嘢呀?係保護我D伙記呀!唔係點維持到士氣呀?

元秋:黑社會咩家陣!?個個警察薪高糧厚架,唔獻身維護正義都至少奉公守法先啦?宜家你班友就做晒無間道,知法犯法...

盧葦:ANN姐,你唔係撐警大聯盟當然榮譽會長咩?插得咁勁嘅?

元秋:喂,一樣還一樣,班黃絲搞你哋我就梗出聲啦,但你宜家單咁嘢叫我點撐,唔通你哋係差館強姦報案人都要撐你呀?

盧葦:咁又未去到咁嚴重!飲食男女,人之大欲啫...

元秋:喂,條友唔係十八廿二思春期喎,婚都結埋喇喎,借D椅抄人身份證原來係貪淫人家的美色?老老實實,咁即係當值嘅時候,佢都係無時無刻掛住點樣滿足自己的獸慾架喳喎,咁其實同佢係差館強姦係一樣性質架喎!

盧葦:吓?咁嚴重?

元秋:以小可以窺大呀!依D好似好小嘅事其實反映緊你哋嘅管理同埋你哋嘅道德係幾咁低,至少都可以睇得出個警察返緊工嘅時候係幾咁無所事事,可以俾佢思淫發春夢。

盧葦:唉!ANN姐,俾下面啦,我就係知依單嘢俾飯民黃絲班友捉住發大,七一遊行一定爆錶架...

元秋:喂,你叫我點幫啫?根本就係渣滓,你仲保佢?老實講,外面D人已經成人話你班毅進仔唔做嘢,英文又屎,十幾個人捉個醉酒佬都搞唔掂,醜事多多,喂,清兵唔打仗咪腐敗囉,咪俾外國佬入侵我哋中國,割讓埋香港囉...

盧葦:係喇ANN姐,我一定會吩咐班手足加多幾錢肉緊架喇,下次再有乜嘢黃絲集會一定叫班伙記落力D加多兩錢重,保持住戰鬥力,好嗎?

元秋:車!梁天琦班友坐晒監,黃台仰又走晒佬,水靜鵝飛,有排都無嘢你哋做啦,我睇怕你哋越來越腐敗都似...

盧葦:放心喇,年年都仲有六四七一遊行,我地KEEP得住嘅!

元秋:最好喇,不過,光天化日調戲良家婦女果條友就要OUT,最多你拖一排先炒架啫!OK?

盧葦:吓?ANN姐真係咁絕?唔係ANN姐,男歡女愛、好美色而慕少艾其實真係好正常架啫,你其實換個角度睇,我哋個伙記其實只是一個痴漢...

元秋:哼,就是痴漢!

盧葦:哈,我的意思是,他其實只是一個被愛情衝昏了頭腦的痴心漢子,一時控制不住才做了傻事而已!

元秋:是精蟲上腦吧!

盧葦:哈哈,我回去問問他,總之ANN姐你這樣看,他就這樣一個對愛情有着無限憧憬與忠誠的人,或者你就會原諒他了。

元秋:你的意思是,他是一隻厹?

盧葦:哈哈哈,對對對,他就像對人類無限忠誠的一隻狗一樣的對女性充滿愛慕的一隻厹!你想想,是不是挺可愛的!

元秋:車,你就知道我最喜歡狗才這樣說,不過咁又係,愛情有時就係咁不可理喻,我同老公都係行咗兩個月就一齊囉!算喇,咁我放過佢啦!

盧葦:多謝ANN姐。

元秋:唉,不過我哋唔理啫,網上D批評咁勁你點搞?

盧葦:哦,呢層你放心啦,應該會有D人會去話個MODEL樣衰又難睇、報警搏上位,搞搞下就冇事架喇!


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe