眾新聞 Logo
眾新聞 CitizenNews
眾說

要學食蕉的菲傭姐姐老豆企出來


 

「人多,就唔驚。」

和幾個朋友的菲傭姐姐傾偈,他們的老豆阿哥,在1986年, 推翻了貪污王馬可斯總統。

他們當時也是手臂綁上——黃色絲帶, 他們很多冇鞋著,冇車坐,冇嘢食,當然冇錢,還有可能會冇命!——五「冇」,也照樣行路上馬尼拉——沿途不斷有人派蕉給他們吃,但就是憑這食蕉的一百萬人,行到去馬尼拉,1986年2月,百萬人連續四天示威,最後馬可斯下台,要走佬去夏威夷, 這塲轟動世界的革命——叫做people power 。

1986年2月25日,數以萬計菲律賓人民湧到首都馬尼拉街頭,慶祝馬可斯總統因為「人民力量革命」下台。美聯社

「你們不怕馬可斯會開槍嗎?」

「嘩!坦克都開到我老豆面前幾米!但老豆知道,馬可斯不敢開槍⋯⋯

「因為人多」,還是那一句,姐姐說得很平靜。

當時——他們冇人諗到馬可斯政權會因為集會遊行而倒下,但他們也照樣站出來。

「阿sir,老實講你們香港人Lucky啦!所以冇耐性。其實我們大多數菲傭姐姐,都不知道你們爭取什麽,只約莫知道你們是爭取民主。咁就要行出嚟啦!我們菲律賓是我老豆食蕉行出來的,唔通我們姐姐星期日在旺角天橋上坐定定食Lunch,就可以推翻馬可斯?」

1789年7月14日法國大革命,當時冇人認為革命會成功;1919年5月4日,當時那三千學生也只是出來發洩一下,冇人想到以後咁深遠的影響 ——同樣在香港2003年7月1日,五十萬人遊行,也冇人以為能踢走董建華,但成功了。

你在家中——「沉澱」——「深思民主路向」——就會成功?「人多,就唔驚!」明天,就學姐姐老豆,食隻蕉,出來行。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe