眾新聞 Logo
眾新聞 CitizenNews
眾聞

獲銅紫荊星章  惠英紅寄語青年:千祈唔好咁易氣餒


 

林鄭月娥上任特首的首份授勳名單,演藝界有三位市民熟悉的影星獲授勳,惠英紅、羅家英兩人獲授勳銅紫荊星章;安德尊則獲頒授榮譽勳章。政府對三人的嘉許語如下:

「惠英紅女士投身演藝界達四十年,在演藝事業上成就出眾,熱心促進香港電影
業的發展,曾獲頒多項演藝獎項,足證其專業成就,現頒授銅紫荊星章。」

「羅家英先生的藝術成就優秀,他致力傳承、推廣、保育和發展香港的粵劇,對
粵劇發展貢獻良多,現頒授銅紫荊星章。」

「安德尊先生對『老有所為活動計劃』及推廣長者『積極樂頤年』和義工服
務貢獻良多,現頒授榮譽勳章。」

惠英紅對獲授銅紫荊星章感到十分榮幸。網上圖片

惠英紅向眾新聞記者表示,對獲授銅紫荊星章感到十分榮幸,笑言很「震驚」:「真係好開心,因為一直以嚟我攞嘅個人獎項,都係我在事業上努力爭取番嚟。但係獲授銅紫荊星章就好唔同,因為感覺上自己在演藝界嘅努力,不但得到社會認同,而且亦得到政府認同我做緊嘅嘢,係能夠為香港作出貢獻,真係非常高興!」惠英紅坦言,銅紫荊星章是她職業生涯一個很重要的里程碑,對她一直以來努力的肯定。

惠英紅又表示,她明白到只要努力做好本份,其他人一定會看到其努力。她寄語在演藝界的年輕人,「千祈唔好咁容易氣餒,亦唔好咁容易因為而家嘅環境因素而選擇放棄夢想,只要積極做人,必定有收穫!」

被問到對今屆政府及林鄭月娥的表現有何看法時,惠英紅稱自己是「政治白痴」,不便評論。惠英紅從事演藝行業超過40年,曾經三奪香港電影金像獎最佳女主角、一次最佳女配角,去年憑電影《血觀音》首奪台灣金馬獎影后寶座。

香港足球代表隊前隊長陳偉豪,獲頒授行政長官社區服務獎狀。網上圖片

體育界方面,香港足球代表隊前隊長陳偉豪,獲頒授行政長官社區服務獎狀。陳偉豪向眾新聞記者表示,得悉獲獎一刻相當意外,「因為我本身冇參與過啲好特別嘅社會工作,可能係因為我效力港隊超過17年,對我而言係一個好大嘅嘉許同肯定。」他希望將來會有更多的職業運動員獲嘉許,「因為對職業運動員嚟講,政府對佢哋嘅肯定,係非常大嘅鼓舞。」

被問到如何看林鄭月娥施政一年,陳偉豪認為,林鄭由當年做政務司司長到現時行政長官,都表現得「幾硬淨,唔似一般嘅女士咁」,對她的整體感覺良好,指林鄭成為特首,會帶來理想的轉變。陳偉豪希望林鄭能繼續支持體育發展,投放更多資源發展體育,培育更多精英運動員。

「香港其實有好多有潛質嘅精英運動員,但係資源不足嘅問題一直都解決唔到。好似我哋足球咁,連一啲固定俾職業足球員訓練嘅真草場都唔足夠,其實對職業足球員帶嚟嘅傷害好大,場地問題搞到容易受傷,加上真正比賽係踢真草場,發揮當然唔理想。」陳偉豪現效力港超聯球隊夢想FC,曾於2009東亞運動會帶領港隊在決賽擊敗日本,為香港歷史性首次奪得大型運動會足球金牌。




請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe