眾新聞 Logo
眾新聞 CitizenNews
眾說

【政治小劇場】穎妍之箭


請在這輸入 Caption。如不需要caption, 請將此行文字移除

家超:大事不妙呀特首,大事不妙...

月娥:乜事呀?個天竺吹返轉頭呀?

家超:係呀特首,天竺個回馬槍好勁呀,一波勁過一波呀...

月娥:市民返唔到工搵我出下氣啫,小事小事,再過幾日乜事都冇啦

家超:唔係呀特首,我收到風,建制派第一健筆向你開緊火, 話你係晉惠帝啊!

月娥:這個姓屈的,她一早已看我不順眼, 我濕濕碎三萬蚊買起民主黨,佢又話我「 豪擲三萬元給一個支持策動佔中、高喊「結束一黨專政」的政黨, 代表特首從此政治不再中立」,真係俾佢吹漲。

家超:特首,細細聲講,屈氏乃梁家人...

月娥:梁家人?什麼秘語?

家超:哦,沒有,這是公開的秘密,她是CY的頭號粉絲...

月娥:咦?頭號梁粉不是自宮發言人嗎?

家超:特首你錯了,鍵盤戰士怎能與真正的筆桿子比?

月娥:有什麼分別?還不是借題發揮抽水撩事鬥非?

家超:錯了,特首你錯了。你的危機意識實在太不足了。 你試試讀下屈氏之文:

我想,一個領袖做決定, 不是為討好阿哥奉承阿嫂,而是為了老百姓,這叫以民為本, 這叫父母官,可惜,我們的首領只是一個按程序辦事的政務官。

月娥:唔...有何微言大義?

家超:好簡單,佢話你不是領袖的料子,即係話你只是一個「 政務官」,即係話你只適合是一個「政務官」。

月娥:唔...莫非她是繞個彎說中央點我做特首是錯的?

家超:特首,根據我下屬幫我搜羅的資料顯示, 屈女士對你的確歸屬HOSTILE類別的。

月娥:的確,姓屈的經常有串我的,我說「官到無求膽自大」, 佢就話一個月薪幾十萬俸碌的官,肩負治港重任,本就該膽大。

家超:對,她的思維和CY很接近,都很好鬥, 所以成日鼓吹你膽大有為...

月娥:唉,怪不得她和CY這麼投契。

家超:特首,恕我直言,你是否意識到這是一場政治危機? 屈氏之言倘若代表了CY,那麼背後是不是有點什麼意思呢?

月娥:什麼意思?

家超:這一層我不敢評論,總之我的責任就是告訴你,在安全方面, 有些東西觸響了我的雷達。按照萬能網民的猜想, 這會是一場復辟的前奏。

月娥:這麼嚴重?沒想到少放一日假會搞到咁大件事!

家超:特首呀,你是工作狂,當然沒有這一層打工仔的同情心了.. .

月娥:唉,那現在怎辦?你這麼一說,這真是挺煩的事。

家超:這一點可能你得請教公關達人肥仔聰先得。

月娥:人嚟,傳肥仔聰!

【肥仔聰上】

月娥:聰,救朕呀,屈穎妍話我係晉惠帝啊!

肥仔聰:主公少慮,我的三個錦囊早已預備妥當了。

月娥:咁勁?

肥仔聰:唔係點做公關界KOL?

月娥:廢話少說,點搞?

肥仔聰:第一計,佢話你晉惠帝,你就晉惠帝俾佢睇!

月娥:吓?叫我扮白痴呀?

肥仔聰:梗唔係啦,你知唔知晉惠帝衰乜呀? 佢叫人何不食肉縻不是罪,他錯在見人冇得食唔請人食呀!

月娥:即係點?我大排筵席請700萬人食番餐?

肥仔聰:WHY NOT?你不是好打得的嗎?難道沒這魄力?

月娥:別開玩笑了,每人100都7億呀阿哥,有沒有法律基礎先?

肥仔聰:喂,700萬人個個同意還不是法律基礎? 隨便起條天橋都17億啦?

月娥:唉,你是開玩笑還是認真的?

肥仔聰:當然是認真了,同飲共食對培養民主是很重要的。 而且你知道公關的必殺技是什麼嗎?

月娥:是什麼?

肥仔聰:乾坤大挪移

月娥:哦,製造話題轉移焦點!但君無戲言呀, 我咁做一定又俾屈氏話我亂講啦!

肥仔聰:OK,即然特首冇膽,第二計,佢叫你去大圍, 你就去大圍俾佢睇!

月娥:嘩,我返工又唔係嗰邊...

肥仔聰:特首呀,你係邊返工呀請問?全港都應該係你辦公範圍, 全香港都係你睇架!700萬人都係你子女...

月娥:最弊班衰仔衰子宜家個個咒我死呢, 你睇下大圍站幅相真係幾得人驚架,一人一句叫我落台, 即刻沉降都似,咪即係倒自己米?幫CY回朝鋪路?

肥仔聰:唉,特首呀,宜家市民最不滿你係離地, 你又話佢哋搵你出氣冇問題,但要俾佢哋出氣你又得個講字,要做先得架?你乜都唔做就想佢地消氣呀?

月娥:ER...第三計講埋睇下點先啦

肥仔聰:好簡單,呢招政府好擅長,一定掂

月娥:快講

肥仔聰:這招叫做:解決不了問題,就解決有問題的人

月娥:這個...有法律基礎嗎?

肥仔聰:哦,放心,不是叫你滅口,係叫你懷柔。

月娥:哦,收買呀?

肥仔聰:哪有這麼難聽的?我們學術一點,這叫行政吸納。

月娥:這個很好,那塞她入青年發展委員會好不好?

肥仔聰:怎樣安排由特首定奪,只要她肯就可以了。

月娥:你看她的胃口如何?會不會要做副局長?

肥仔聰:可能她想做教育局局長呢?

月娥:咁大件事?中央好似冇提過喎...

肥仔聰:講笑啫...除非特首真係好驚啦, 否則哪用這麼重禮招呼她呢?

月娥:那不好說,逼不得已委屈一下潤雄都要了, 反正屈女士健筆干雲,怪獸家長又一紙風行,對家長很有影響力, 做教育局局長也很合理...

肥仔聰:吓,我講笑而已,特首,真的,講笑而已......

月娥:朕意已決,卿家退下吧!


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe