眾新聞 Logo
眾新聞 CitizenNews
眾說

隨意揀一則新聞 我也感動到想參選!


 

想聽陳聰聲音:論 因為風災所以參選

陳凱欣如是說:

經過南山邨,撞到好多義工,一個人係搬唔到咁大棵樹,嗰刻真係好感動。打動到我,個人力量有限,見到大家唔怕辛苦,肯行出嚟,自己都諗吓,憑自己傳媒政府工作、能力,係咪可以參與補選?

又講陳凱欣?是咁的,因為她終於公布正積極考慮參與補選了。

陳凱欣昨天參加民建聯立法會議員鄭泳舜議員辦事處開幕後,表示因受山竹風災感動,正積極考慮參與九龍西立法會補選。照片來源:陳凱欣Facebook

作為政治人,的確要「面皮夠厚」。

需知道,「點解參選」其實只是一個「必答題」,大家不是真的關心你為何參選,而是想知道你會如何回應這個問題。亦需知道,你的答案並不重要,但你的答案起碼要「過得自己過得人」!

因為風災,所以參選?如果這個答案行得通,那麼,只要你任意揭開今天的報章,隨意揀一則新聞,也能感動你參選!

揭開港聞版,看到因為高鐵開通,圓方人流急增五成,奶粉尿片等生活用品一度被搶空!打動到我,個人力量有限,見到大家唔怕辛苦,肯行出嚟購物,自己係咪可以憑自己的能力,係咪可以參與補選?

揭開財經版,慈父慈母「盲搶樓」,支持仔女買樓,有個別甚至連樓盤位置也搞錯,無懼加息。打動到我,個人力量有限,見到大家唔怕辛苦,肯行出嚟買樓,自己係咪可以憑自己的能力,係咪可以參與補選?

揭開娛樂版,58歲潘源良閃婚,迎娶比他年輕17歲的加拿大女友。打動到我,個人力量有限,見到大家唔怕辛苦,肯行出嚟結婚,自己係咪可以憑自己的能力,係咪可以參與補選?

揭開體育版,克羅地亞隊長莫迪歷終於打破美斯和C朗的壟斷,勇奪世界足球先生。打動到我,個人力量有限,見到大家唔怕辛苦,肯行出嚟踢波,自己係咪可以憑自己的能力,係咪可以參與補選?

其實,甚麼原因也可,甚麼原因也不重要。最重要是讓大家看到你的質素,但這才是我最失望的地方,做過傳媒,做過政府,竟然交出一個因為風災,所以參選的答案,「真係辛苦哂」!


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe