眾新聞 Logo
眾新聞 CitizenNews
眾說

【政治小劇場】劉華風暴


肥仔聰:BRAVO,特首,BRAVO,你呢招借刀殺人靚到絶呀!

林鄭:你講華仔單嘢?點呀,坊間反應如何?

肥仔聰:一流,有人話劉德華要改名做劉建華,有人話戲子無情, 有人話華仔民間特首從來都是浪得虛名,有人開始挖劉華黑歷史......

林鄭:呵呵,咁正...?唔係, 我嘅意思係劉華D粉絲點反應如何,係咪紛紛轉軚支持填海?

肥仔聰:邊有咁神奇呀特首,我只是聽到有喜歡劉華的人話今日起從來冇喜歡過他咁話,又有人話認錯老豆拜錯大壽、寧信大劉不信老劉呀!

林鄭:唔緊要的,華仔咁多粉絲,殭屍粉甩掉一些冇所謂的,最緊要係有人真係由唔支持填海變成支持。

 肥仔聰:唉,特首,恕我直言,如果你個計劃係要消滅民間特首的威望,令他的民望分數與你睇齊,那麼你是非常成功的,但如果個目的係要說服人轉軚支持填海,那就不可能了!

林鄭:點解?

肥仔聰:好簡單,劉德華的歌迷是什麼人? 他們難道都是住山頂打golf的人嗎?低下階層有可能支持填海嗎?

林鄭:怎會不支持呢?我們會起公屋起公園的呀?

肥仔聰:幾多成地拿來起公屋?起完公屋幾多分配給香港人?

林鄭:阿聰呀,民可使由之不可使知之,你不要那麼天真好不好?我們條宣傳片連起豪宅都提都冇提啊,唔通唔起咩?宜家D橋500米要17億,到時個人工島都唔知起幾多條要幾多億架嘛,唔通又同市民講咩?

肥仔聰:咁又係,唔通講到明話讓下一代看見指的富二代建築商的油水咩?

林鄭:咁老實講,納稅都係有錢佬納架啦,填海賣豪宅搞基建益番有錢人好合理啫?

肥仔聰:宜家個問題就係你要說服普遍香港人支持填海,分配就必須合理,如果你宣佈填海用地100%用於興建公屋,一次過解決所香港人的住屋問題,或者在新填海地上所有業權歸政府所有,平均地權漲價歸公,那麼你的宣傳片不用劉德華,就算用劉馬車去旁白都一樣天下歸心的。

林鄭:咁搞法,阿董生佢地使乜咁出力猛咁鼓吹先?

肥仔聰:乜佢地鼓吹填海唔係為香港的嗎?

林鄭:傻仔呢嘅,香港好國家好,國家好就人人好啦!

肥仔聰:咁又係,不過其實如果個眼光放長遠D,就算填海地100%只起公屋都冇問題的,因為廣義來說,依班友根本就係現代奴隸,支撐住我們的文明,佢地無論住邊, 就算打完十號風球咪一樣仆住返工,最後得益咪始終係大老闆同有錢佬?

林鄭:大佬呀,百分百起公屋咁邊個撐住個樓市呀?我地就係靠班打工仔發夢有個安樂窩先可以令佢地仆心仆命返工架嘛,這個工奴樓奴雙螺旋結構係我哋香港文明的DNA來的呀?

肥仔聰:你的意思係令佢地「發夢」 有個安樂窩而不是令佢地有個安樂窩?

林鄭:對呀,這才是社會進步的動力。放心啦阿聰,有樣嘢你忽略咗,由馬克思以來,所有思想家都未能解決一個問題,那就是窮人弱勢受壓逼的群體係從來不會奮起反抗壓逼他們的制度的,更妙的是他們甚至係認同、 服從和附和那個令他們受苦的制度的。

肥仔聰:的確,好多返工窮人會誤以為自己係中產階級的,好多樓奴日日滿腹密計要做地主的。

林鄭:所以嘛,你起豪宅冇所謂架,好多窮人看見就會覺得自己擁有咁架喇。

肥仔聰:照咁講,其實又何須要出動到劉德華呢?反正不少港豬就是會自動波覺得多咗多咗豪宅他就有好處、就會贊成填海的了。

林鄭:唉,阿聰,公關其實都係做個樣架啫,門面工夫,叫做好好睇睇咁啫,你不會期望他能化腐朽為神奇的。

肥仔聰:的確如此,成個土地大辯論完咗才播這片尾曲, 寓意真是妙絶。只是今勻華仔有點被過了一棟,有損英名呀!

林鄭:亂說,為黨國效命是光榮,且人在江湖, 身不由己是難免的啦,你有沒有看見李冰冰...?

肥仔聰:你是說范冰冰吧?

林鄭:哈哈,對對對...你懂的....

【兩人大笑。下傳華仔求見】

林鄭:同華仔講,我忙緊施政報告唔得閒,同埋依單嘢同我無關,叫佢去搵董伯伯。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe