【撰文：佚名】
厲害了我的國！
原本一朝早（8點半）去行超市係一件好舒服嘅事，點不知收銀處職員面色凝重如臨大敵，出現非常緊張的情緒，係咁call支援，其他老外客人一面吃驚表現出厭惡嘅面孔……明明客人唔多，但個個（中國人）都急急腳嘟完俾錢交俾門外嘅「隊友」接貨又跑番入超市再掃，又掃，係咁掃…...到無貨為止……然後索性圍係空空嘅貨架前「守架待粉」，呢一刻，真係體驗到上水居民嘅心情！
其實代購係澳洲都好耐同好癫，特別係奶粉，我都識好多中國嚟嘅朋友做代購。
佢哋成日四出去買奶粉買健康產品寄返中國。有啲係幫家人，有啲係當一門生意做。其實早輪都有限奶令，一個人只能購買幾罐奶粉 ，早輪都上過新聞，社會都探討過。
本地人都埋怨買唔到奶粉畀自己啲bb食…我問職員佢哋可以每次買幾多罐呀，佢話每次可以買8罐。我問職員有冇其他方法安排，佢話係無得避免，點安排，佢哋都會聞到，意思係佢哋總有辦法掃哂佢。
註：離開超市時，見到一架寶馬X5「滿座」而歸！
