眾新聞 Logo
眾新聞 CitizenNews
眾說

挪威向人仔叩頭 ,值唔值得?


 

今年 10月6日,挪威國王皇后和外交部長、商業部長、340人的商界訪問團,還有文化界教育界人士 ,浩浩蕩蕩訪問中國,揭開中國挪威關係新的一章。回想2010年挪威頒發諾貝爾和平獎給劉曉波,之後中國採取一連串措施嚴懲挪威,究竟中國怎樣懲罰挪威? 究竟挪威怎樣令關係解凍?關係解凍的種種好處,對挪威又是否值得呢? 

懲罰。。叩頭。。大和解──劉曉波獲和平獎後的中挪關係

中國出口至挪威的商品,以電視機、無線電話、電腦和紡織產品為主,而挪威出口至中國的,則以化學產品、 海事設備、海產和化肥為主,除了歐盟和美國,中國是挪威最大的貿易伙伴,所以,挪威政府一直努力修補關係,怎修補?叩頭!

叩頭終於開花結果,中國和挪威進入大和解時代 。。。 

挪威向人仔叩頭 ,值得嗎?

挪威首相和外交部長拒絕和達賴見面,頒發和平獎的國家,竟然拒絕和得獎人見面,天下間的荒謬,莫過於此;人權組織和反對黨紛紛譴責政府,不少挪威人都批評「挪威政府軟弱、可恥,令挪威人難堪又悲哀」,但挪威政府仍然企硬。為咗同中國大和解,挪威不惜叩頭,冇咗「和平國家」呢個品牌嘅商譽,值得嗎?

我哋都明白,政治上只有利益,無永遠嘅敵人,要大和解,喺中挪宣言,挪威都要用啲體面嘅外交辭令,令強國息怒,但白字黑字應承「挪威唔會干涉中國內政」?公眾雖有反對聲音但唔夠強大,於是挪威政府可以「無畏無懼」。啲挪威學者西方學者,甚至有香港學者,都話中挪宣言係挪威叩頭之作,學者認為挪威唔駛簽呢啲喪失國家尊嚴嘅叩頭宣言,唔駛去到咁盡自我獻身,將紅線自我約束,第日挪威如果想洗底,同中國傾中國人權狀況,就會被中國一句KO,話挪威違反宣言。西方國家一直高舉人權公義旗幟,挪威一直自覺走得更前,西方國家最終敵不過人仔,已十分偽善,呢個中國挪威宣言,挪威應承唔會干涉中國內政,跟住中國共產黨嘅指揮棒走,令挪威底牌盡露,尊嚴盡失,有失國格,比起其他西方國家,更偽善百倍;挪威已夠樣衰,仲被《環球時報》串爆,情何以堪?

況且,同中國談判,挪威其實有好強嘅底牌,因為挪威有幾方面科技領先: 離岸探油技術、海洋研究、海事設備、極地研究等,所以中國對挪威有求。仲有,滑雪係挪威嘅國技,今次挪威國王皇后訪問中國,就簽咗協議,幫中國訓練滑雪選手,仲會落力幫佢搞好中國 2022嘅冬季世運。

挪威呀挪威,你何必委屈求全?你太年輕了。

仲有更大嘅隱憂。中國嘅商業間諜活動,時有所聞,所以好多西方國家而家已經瞓醒咗,佢哋人仔照賺,但處處高度戒備防範中國。最近,美國和澳洲政府都否決咗由中國嘅電訊公司建立當地嘅移動網絡,挪威卻反其道而行 - 4G 同5G嘅移動網絡,都由中國嘅華為承建。挪威人對人性高度信任,警覺性低,挪威喺領先嘅科技範疇同中國合作,情況好令人擔心 。

為咗同中國大和解,挪威不惜叩頭,最終會唔會得不償失?值唔值得?

圖片來源:網絡照片,作者整理參考資料並製圖

參考資料:

(1)中挪關係正常化之共同宣言

(2)Må Norge knele for Kina?(挪威是否必須向中國叩頭?)挪威媒體Dagbladet(2017)

(3)Avtalen med Kina er ydmykende for Norge(與中國達成的協議對挪威來說是羞辱),挪威媒體Aftenposten(2016)


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe