眾新聞 Logo
眾新聞 CitizenNews
眾聞

陳凱欣:我哋建設力量、建制派力量去打呢場選戰


 

報稱獨立的立法會九龍西補選候選人陳凱欣,周二晚在深水埗楓樹街足球場舉行誓師大會,有逾千人出席,包括陳凱欣的丈夫、信和集團企業傳訊部副總經理邱文華;陳凱欣的父母、老爺奶奶也有站台。陳凱欣發言時承認是建制派,多謝建制派視她為重要一員,「今次我哋建設力量、建制派力量,只有一個人代表大家,去打呢場選戰。」

多名建制派巨頭包括:唐英年、陳智思、高永文、胡定旭、黎棟國、鄺美雲、肥媽、李慧琼、梁美芬、葉劉淑儀、蔣麗芸、陳婉嫻、譚耀宗、陳振彬等出席陳凱欣誓師大會並站台。眾新聞報道,香港福建社團聯會呼籲鄉親捐款撐陳凱欣,每人最多$999並建議上報入數紙,香港福建社團聯會榮譽主席吳良好,也有出席誓師大會。

唐英年出席陳凱欣誓師大會並發言。陳凱欣Facebook片段截圖

陳凱欣說:「在今次選舉,我們的團隊,甚至義工朋友受到一啲中傷,受到一啲挑釁,但你們仍然能夠為阿欣,沉得住氣,面對任何中傷和挑戰,都企得好實、企得好穩,繼續傳揚我哋所有建制派朋友嘅正確理念。」

「一路以來的工作,都係有建設,唔搞破壞;係務實,唔係空談。這正正是我們香港的建設力量,所有喺唔同崗位、唔同階層的朋友,為香港建設,係同一樣,我同所有建設力量,都係為香港前進努力。喺我哋在席嘅咁多位,喺唔同崗位,都為香港付出,努力為香港前行,可惜近年遇到一些破壞我哋香港,令我哋對立、分歧、矛盾。但係呢一段面對唔同攻擊的日子,喺我身邊,最重要,最堅定俾我支持,係所有我嘅建制派朋友,同埋我哋嘅團隊。好多謝你哋,視我為你哋重要嘅一員。」

陳凱欣續說:「有人利用呢樣嘢問,究竟你係邊個派別,我想問吓,大家,仲使唔使答呀?(台下:唔使)我係,完全為香港建設重要實力嘅一群,我同在座咁多位一樣,係你哋重要嘅一員。呢件事、呢個講法,係不容置疑...…」

「今次我哋建設力量、建制派力量,只有一個人代表大家去打呢場選戰。」陳凱欣又多謝台下出席者,「好多潮州朋友、好多我自己佛山南海朋友。」她又高呼:「民生最優先,政治放一邊。」

11月25日立法會九龍西補選候選人,除了陳凱欣,還包括:伍迪希、曾麗文、李卓人、馮檢基。

陳凱欣父母(左一、二)、丈夫邱文華(中)、老爺奶奶(右一、二)站台。 陳凱欣Facebook片段截圖



請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe