眾新聞 Logo
眾新聞 CitizenNews
眾說

民主派沒有不勾結外國勢力的理由


【撰文:奈何明月照溝渠嘅90後】

公安都有權「不反對」香港人遊行集會,選個會長卻連「不反對」嘅權力都冇,跟手仲俾系主任話佢冇阻止同學打交係隱晦支持暴力嘅時候,除咗哪吒(唔係方氏)之外,應該冇人唔係「暴力份子」。

當共慘黨正值內憂外患之時,777正苦似乎仲未從報紙中睇透美帝,繼續幻想點樣喺「正」治功課上超額完成,並引來一班獻世派當佢神咁拜,只不過擁有反叛基因嘅自由黨好似聞到羅味,猛然入世。

「暴力份子」喺九西反輸後大亂陣腳,各路人馬不斷思量之後點走落去,但睇嚟得出嘅結論係──然後就沒有然後了。既然逼上梁山已成熟飯,順應時勢拜會美帝就係唔係路隔離唯一出到去嘅暗道。

一提到勾結外國勢力,「大中華膠」實嚇到彈起;梗係啦,佢哋眼中大中華=強國only,而不知道強國台灣省嘅民主是甚;遑論同屬漢字文化圈嘅韓國點樣爭取民主。當然領袖讓步先係決定性因數,但點解蔣經國同盧泰愚會讓步先係重點:先講台灣,共慘黨奪得大陸後,幗民黨為咗抵擋中共,無止境批鬥黨外人士,直至美帝為咗抗衡蘇共勾結中共從台灣撤軍,蔣經國為咗保留《臺灣關係法》唯有聽話宣布解嚴;至於韓國,外國勢力就更加明顯,暴力鎮壓光州事件後,全斗煥仲試圖永續任期,結果引爆六月民主運動,直至國際奧委會出手稱若形勢搞唔掂或會DQ其奧運主辦權,其欽點接班人盧泰愚唯有宣布民主化宣言;可見亞洲四小龍兩條龍嘅民主某程度都係靠「外國勢力」得翻嚟。到呢刻仲覺得「外國勢力」係十惡不赦嘅人,使唔使搵衛訊check吓係咪盲咗呀?

既然美帝都出曬通牒:如果777你搞到Hong Kong is China(其實應該係Hong Kong is worse than China)佢就DQ你《香港政策法》,「大中華膠」除非阻止到正苦為爭取「正」治功課攞200分而繼續玩DQ,否則說服唔到美帝改變立場之餘,下一個被DQ嘅可能就係你,講完!忠告:條路自己揀,趴街唔好喊。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe