眾新聞 Logo
眾新聞 CitizenNews
眾說

這個鄭若驊是不是傻的?


鄭若驊本月12日發表聲明,話無足夠證據檢控梁振英之後,就放大假去,到現在沒再進一步回應各方質疑。圖為她13號去探訪觀塘一間學校,這是她放假前最後一次公開活動。政府新聞處照片

怪不得近日江湖傳聞話,鄭若驊就快冇得留低,係呀,她到底是不是傻的?

今天連大律師公會都插她,為什麼不就梁振英案尋求獨立大狀意見?

其實真係係人都知,梁振英案,查也好,不查也好,問獨立大狀——交俾鬼佬QC去孭晒上身,又唔使佢做,點解唔搵呢?好明顯又係心虛,驚死鬼佬QC出了一個唔啱她嘴型的意見。保皇黨更衰格,站出來護航,於是人人又撩起不到一年前她的僭建事件——當時她又鬼鼠、又話自己冇僭建,跟住佢自己出過書講僭建,竟然敢話自己唔知乜嘢叫僭建,樣衰肉酸到冇人有。最後要七七七求情話「到此為止」,保皇黨又幫佢拉布才夾硬碌過關,這些狼狽相人人都記得。於是民意調查除了劉江華,尾二都到佢啦。

過去一年,她做了什麼?原來就是去——畀法律意見「DQ周庭、DQ朱凱迪」,馬凱Visa⋯⋯一地兩檢,佢一D嘢都未做,只是靠人大常委會霸王硬上弓,列位看官,你說得出她自己這年做過什麼事嗎?

估計佢僭建間屋已經執番好晒啦,都是時候,攞番杯紅酒在天台看看遠處,南中國海夕陽中的洗頭艇吧,舔共這杯大檸樂,不易飲。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe