這個林日曦，搞了一個「人類史上最優先訂飛」， 佢個show，在一年後舉行，但演出內容、形式、地點、時間乜都冇，竟然叫人先俾480元訂飛⋯⋯！！？玩電騙？
結果，他自己說的——「總共有8605條癲喪仔⋯⋯ 預早一年，最最最優先咁訂購咗2019年尾嘅 《林日𣌀細聲講⋯⋯》（名都未有）」。
短短一日， 就集資四百萬元 ，只是在facebook上面 打嘴炮——厲害過上市公司做lPO，犀利過電騙佬祈福黨⋯⋯
這個林日曦是誰 ，我問一些自以為保皇黨高層的朋友，他們根本聽都未聽過這個人 ，根本就同香港年輕人生活在兩個世界， 如何溝通？
林日曦絕不舔共，甚至是本土 、反共，這「八千癲喪仔」如此信任他，你估都估到佢地同林日曦的睇法 ，是多麼的接近！
還有很多訂飛訂唔切的人 、冇錢訂飛的學生仔、實際上的「癲喪曦粉」，可能仲十倍於八千，咦，八萬票，林仔的粉絲，已足夠票數選立法會議員喎⋯⋯
你上fb睇下人地林日曦及其同黨的文字 ——寸嘴、幽默、扺死、本土廣東話、粗口、出其不意⋯⋯文字精煉、簡潔、到位，和你們的港共左媒相比，你估有冇香港後生仔會睇大公報網的——「習近平主席重要講話」？雖然 ，據我所知，保皇黨的人， 根本冇人睇《大公》《文滙》的。
港共又學吓林日㬢，預先一年訂飛，睇下有冇人訂？
香港年輕人有自己的凝聚方式，以後社會氣氛一旦有機會要做嘢，會動力驚人。
