眾新聞 Logo
眾新聞 CitizenNews
眾說

老嘢麥家廉和「墊司底」


麥家廉被炒魷,無人同情佢。美聯社資料照片

69歲的麥家廉被47歲的杜魯多總理炒魷,冇人同情佢,人人話佢扺死戇居,叫佢轉任——「中國駐加拿大大使。」當年麥家廉在政壇己是有頭有臉的時候, 這個杜魯多還在——着開浪褲 。今天這個老嘢竟然講嘢和政府相反嘴型,蒲了幾十年政治,犯如此低級錯誤。

麥家廉玩政治時,杜魯多還在著開浪褲。美聯社資料照片

即炒大使,是國際上罕有醜事,必是賴大鑊了。這當然是炒魷, 寫 reference時話你是「自己辭職」, 已經叫做畀足面你這老海鮮。

老麥和小杜,其實都是McGill大學師兄弟, 麥家廉還有PhD,教過大學,學歷高過小杜,今次講這樣博炒的言談 ,真是有辱名校McGill。

我哋香港特區亦都有一件, 年齡開始進入「香港十大傑出婆婆」的鄭若驊資深大狀,由去年今天起,衰足一年, 惡戲連場——由僭建驊,到DQ孫女級的周庭 ,到放生689, 冇件事做得似似樣樣,民望是眾司中的「墊司底」。

民望「墊司底」的律政司司長鄭若驊。香港電台資料照片

連港共內部都話要炒鄭,明天「墊司底」上去立法會,恐怕又係亮出——「不評論個別個案 」這句屎話。不過近排老嘢經常犯低級錯誤, 明天(28/1)會不會有好像麥家廉這樣爆出驚天笑話? 咁就各位拭目睇「眾新聞」直播啦!中外老嘢,原來做嘢冇腦低B,只識——欺凌DQ後生仔女,怪不得我們的年輕人看得連連冷笑,一於是暫時佛系,等候機會,終有一日我們像小杜鲁多般——炒你老嘢。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe