69歲的麥家廉被47歲的杜魯多總理炒魷，冇人同情佢，人人話佢扺死戇居，叫佢轉任——「中國駐加拿大大使。」當年麥家廉在政壇己是有頭有臉的時候， 這個杜魯多還在——着開浪褲 。今天這個老嘢竟然講嘢和政府相反嘴型，蒲了幾十年政治，犯如此低級錯誤。
即炒大使，是國際上罕有醜事，必是賴大鑊了。這當然是炒魷， 寫 reference時話你是「自己辭職」， 已經叫做畀足面你這老海鮮。
老麥和小杜，其實都是McGill大學師兄弟， 麥家廉還有PhD，教過大學，學歷高過小杜，今次講這樣博炒的言談 ，真是有辱名校McGill。
我哋香港特區亦都有一件， 年齡開始進入「香港十大傑出婆婆」的鄭若驊資深大狀，由去年今天起，衰足一年， 惡戲連場——由僭建驊，到DQ孫女級的周庭 ，到放生689， 冇件事做得似似樣樣，民望是眾司中的「墊司底」。
連港共內部都話要炒鄭，明天「墊司底」上去立法會，恐怕又係亮出——「不評論個別個案 」這句屎話。不過近排老嘢經常犯低級錯誤， 明天（28／1）會不會有好像麥家廉這樣爆出驚天笑話？ 咁就各位拭目睇「眾新聞」直播啦！中外老嘢，原來做嘢冇腦低B，只識——欺凌DQ後生仔女，怪不得我們的年輕人看得連連冷笑，一於是暫時佛系，等候機會，終有一日我們像小杜鲁多般——炒你老嘢。
