眾新聞 Logo
眾新聞 CitizenNews
眾說

警務處長學大陸佬遊花園


學嘢啦!什麼叫做「帶人遊花園」,今日(29日)警務處長有篇「範文」俾你後生仔睇。

人家記者問他——警方應否就朱經緯案向公眾道歉?
他是以下這樣答:

 

 

 

我希望大家都知道呢件案發生嘅時候,係香港一個非常困難嘅時刻,係有79日嘅違法佔中期間發生嘅,係一個好複雜同埋巨大困難環境之下,我哋同事係日以繼夜負責維持秩序、維持治安,個挑戰係非常之大,大家喺終審判詞亦得到肯定。就住呢個個別事件發生,我哋睇到有咁嘅結果,都是感到難過,但係呢件只係一件個別事件,我哋警隊尊重法庭判決,並且會繼續緊守崗位服務市民,同埋加強同市民嘅溝通,希望市民都理解我哋係行動上嘅需要同埋一D困難。 

講到警方是面對巨大困難、多麼的複雜環境。

正所謂——「你有壓力,我有壓力」,但你做得差人,在黃竹坑受過訓練,就預咗環境複雜,如果不複雜,不如我做埋你嗰份工啦!出埋你份糧啦!

你是專業做控制人群,不是做無故專業毆人,黃竹坑教官教你隨時亂棍打人的嗎?

香港電台影片截圖

一哥,其實你只要答Yes 或No道歉就是,為何帶人遊花園?學生仔睇你這樣答問題,真是教壞下一代,答非所問,還有個多月DSE就開考,考生切勿學一哥的答問方式,否則炒硬。

既然是終審,係你唔啱,你就要道歉。學埋晒大陸佬的死撐和遊花園,市民只有更加不尊重你。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe