眾新聞 Logo
眾新聞 CitizenNews
眾說

多得白鴿大腦 老嘢基層唔撐 林鄭呢鑊hihi了


上述資料來自港大民研的特首民望調查。

港大民調,林鄭民望創新低。港大民研有時會在附錄提供年齡別/教育程度別的支持度,今次有提供,對上一次提供係11月(2018年)。對比之下可以看到,林鄭民望下跌源於老年人,因為他在年輕人間的支持度本來已經低無可低。

11月時,林鄭在30至49歲人士間的淨支持度(支持減反對差異)為負3%,最新一次擴大至負26%。50歲以上人士間的淨支持度,11月還高達正18%,最新跌至負8%。教育程度方面,中學程度人士間的林鄭淨支持度,11月還有正4%,最新已仆至負20%。小學程度人士間,11月高達正27%,最新是負4%。

今次民調,不論所有年輕層和教育程度,林鄭的淨支持度都是負的,連老嘢同基層都反了,林鄭呢鑊仲唔hihi?當日話過架,「如果香港人的主流意見認為我無辦法擔任行政長官,我係會辭職」,唔好走數呀。

最後,所以我話,白鴿大腦去左林鄭度係應該開香檳慶祝架啦,睇吓一單長者綜援搞成點。佢仲慌死激唔夠人,加多個「象徵式懲罰」扣兩舊水。林鄭下台,可能要多謝白鴿大腦。我開始懷疑佢係無間道。

11月港大民調結果連結
最新港大民調結果連結


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe