眾新聞 Logo
眾新聞 CitizenNews
眾聞

梁卓偉批醫管局架構臃腫、開會頻繁礙診治 「似乎係有啲過火」


香港大學醫學院院長梁卓偉在昨晚舉行的傳媒茶聚上,指醫管局的管治架構臃腫、開會頻繁,阻礙了前線醫護人員的診治工作。

針對醫護人手不勝重荷,梁卓偉表示:「有唔少、尤其是前線同事都話:好似醫管局入面、公營系統裡面,好多時間未必真係喺病房做緊診治嘅工作。個官僚制度或者官僚架構,似乎係有啲過火。開會、做文書、行政、管治嘅工作,係唔係個比重唔應該咁大呢?呢個我覺得係好值得醫管局去反思。」

醫管局主席梁智仁,其後在醫學院新春酒會上被問及開會文化的問題,他指自己每星期在總部開高層會議,內容都是重要而緊急的,「喺聯網方面,我睇到(醫管局)總裁都好多時提他們,喺呢個嚴峻嘅情況之下,減少啲開會,但有啲會唔開唔得。」

港大醫學院院長梁卓偉。莊曉彤攝

梁卓偉表示,港大醫學院開學禮的誓詞包括「視病猶親」,不問背景、種族、因由,作為醫護人員,只要病人來到病房,就要盡己所能。隨後,他表示醫護人員不可能單方面履行承諾,必須有制度上的配合,「即是話假如你本身唔夠病床嘅,我哋點樣勤力、點樣立志視病猶親,我哋都無辦法履行我哋那個專業承諾。」

他又主動談到醫管局的管治架構,提及上屆政府在幾年前曾經作出檢討,但結果沒有做到前線人員所希望的事,反而在管治架構「更加完美」。他解釋道:「可能喺官僚方面,以前過一個會,而家就三個會、五個會。」他同意反覆的辯論、審批,可以減少犯錯機會,但指這會令到架構臃腫,「我覺得年輕同事講得啱,就算我自己見到咁多會,聽三次、四次都係同一件事,究竟係咪最幫到病人?時間同資源係咪可以用得好啲?」

梁卓偉希望:「整件事回歸病人為中心,官僚就拆牆鬆綁,信任我哋前線嘅醫護、信任我哋專業嘅訓練,令到整件事唔係因為官僚管治所謂嘅完美,而犧牲咗我哋每一天求診嘅病人,同埋前線每一天喺度奮鬥嘅同事。」

醫護人員不勝重荷,反映「醫護逼爆」的情況。資料圖片

有醫科生在醫院實習後認為,「戰場上爭分奪秒,做得好不如做得快;戰場上槍林彈雨,靈活變通比循規蹈矩重要。」梁卓偉被問到醫學院怎樣應對這種教學與現實的落差,他答:「我聽你講嘅問題,講得直接啲,就係會唔會將貨就價。醫療係人命攸關,無得將貨就價,唔應該要醫療質素同對病人嘅服務有任何妥協。當然你話如果係病人多到、或者需求多到無辦法做得到,呢個係非常之唔理想。但唔應該問醫學院會唔會將貨就價,點解唔係問服務提供機構、即是醫管局,點解可以容許年復年,呢個問題愈滾愈大,而唔係真係回歸病人為本 ?」

食物及衛生局局長陳肇始亦有出席港大醫學院新春酒會,她在會上接受傳媒訪問,表示局方一直都有撥資源給醫管局,落實幾年前檢討管治架構後的建議,例如population based funding model,即根據人口增長分配資源。她又指,醫管局應該從日常工作檢討管治架構,包括增加新的服務、對於前線的管理等,認為:「既然我哋前線同事有呢啲意見,我都覺得佢哋需要檢討,睇睇個情況。」

醫管局主席梁智仁則認為,醫管局面對的問題,主要是地方不足及人口老化。地方不足指的是病房不足,而建新醫院需要起碼十年的時間、重建舊醫院病房亦都需時。「同埋點解咁多內科問題?因為我哋人口老化。」他指,普通一個人感冒是不用去醫院的,就算較嚴重的也用不著住院,但如果病人年紀大,醫生會因而不敢叫他回家,因為這可能導致病況轉壞。

食物及衞生局局長陳肇始(左)、醫管局主席梁智仁(右)。莊曉彤攝

梁卓偉又提出:「我哋好似仲有啲未開嘅病床或病房,係咪呢?如果係咁,點解開唔到?係咪因為唔夠人手?呢啲係系統性嘅問題。」梁智仁其後回應:「嗰啲新醫院,天水圍醫院、北大嶼山醫院,嗰度根本係唔夠醫生。你有個病房,如果你從第二啲醫院抽醫生去做,個效果仲唔掂。」

另外,由於醫護人手不足,引起社會討論是否應引入海外醫生。梁卓偉表示,「呢個大體係一個政治問題,政治始終係要協商,同埋政治問題,我自己離開政圈都7、8年,所以呢啲我不評論。」他又再三重申,這些要讓政圈內有能力的人士討論。被問及會否增加醫科生學額,他指醫學院的角色被動,只能配合政府的計算,不能決定收生多或少。

日前有醫生指每日有150名單程證人士來港構成醫療重擔,梁卓偉回應時引述醫學院開學禮的誓詞道:「當你立志做醫護人員,你係會視病猶親,不問背景、不問種族、不問病人任何因由,無論點都好,只要有病人嚟到你嘅病房,你都會盡你所能照顧同醫治病人。」




請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe