眾新聞 Logo
眾新聞 CitizenNews
眾說

高官犯錯比機會 學生「犯錯」斬立決


醒起早排已經寫過一篇〈仲要比幾多次機會班長者高官?〉同埋其他評論員都寫過類似了,不過都係整理返個列表出嚟, 等大家睇吓當今香港幾咁荒謬。

林鄭:做咗近40年官,都仲成日叫大家比時間/機會佢學習點做官
羅致光:做咗N年議員同政黨幹部同政府委員會,都仲話唔識政治叫大家比時間/機會佢
陳茂波:做會計師專計婆乸數,都話唔知有劏房同囤地,都仲叫大家比時間/機會佢

鄭若驊:做僭建委員會主席,老公係工程師,都話唔為意自己N間屋全部有僭建,都仲叫大家比時間/機會佢
食衛局及公共醫療高層:公共醫療爆煲N年,都仲叫大家比時間/機會佢地改善
港鐵及一眾工程界高層:擺明偷呃拐騙,醜聞一單爆完又一單,都仲叫大家比時間/機會佢地改善

未出社會的大學生「犯錯」攻擊校長/高層:冇得比時間/機會,斬立決,永不超生

林穎恒(左)被即時停學一年,護理系碩士生何俊謙(右)被勒令即時退學並永不獲理大錄取。香港電台圖片

p.s. 班長者高官唔止獲得時間/機會,好多仲一路升官發財,每月逗緊幾十萬公帑人工添。丫成日話大學生仲比家人/公帑供養, 唔知要幾多錢呢?林鄭好似一畢業就入政府,唔知公帑咁多年嚟積落供養咗佢幾多千萬?


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe