眾新聞 Logo
眾新聞 CitizenNews
眾說

一張圖KO東大嶼填海起人工島


東大嶼填海起人工島,係出賣香港人,特別係下一代年青人嘅世紀大騙局。

評估一個基建項目要唔要上馬,要考慮嘅主要因素係:項目嘅(1)假設,(2)經濟效益,(3)機會成本,(4)政府管理監督工程嘅質素,(5)項目以外嘅其他選擇。從下圖可以見到林鄭月娥政府對以上嘅估算,錯得好離譜——人口增長假設高估、估細支出估大收益、完全唔提機會成本 、無視政府管理監督工程能力嘅劣績,仲有,其他選擇嘅土地供應比人工島多幾倍等等;所以,東大嶼填海起人工島,將會係負回報(收益<成本),根本係個大騙局,絕對要徹回。

作者整理綜合資料並製圖,資料來源見附註

點解係世紀大騙局?因為唔少專業人士估算,淨係工程造價都過一萬億,而我哋嘅財政儲備先係1.2萬億,咁咪將我哋成副身家倒落鹹水海,一次押落一個基建項目,從來冇聽過邊個國家會將身家咁樣「豪賭」,林鄭月娥政府超勁,呢樣可能會入健力士紀錄。如果林鄭月娥同中央霸王硬上弓,東大嶼填海上馬,我哋財政儲備乾塘,咁我哋係咪要加重稅先可以應付民生開支?咁我地係咪要求中央「打救」,仰人鼻息,仲俾中央名正言順成個身入埋嚟全面管治香港呢?
 
如果東大嶼填海起人工島去馬,他朝完工之時,我哋年青下一代面對嘅香港將會係:財政儲備乾塘、民不聊生、貧富懸殊加劇、環境污染嘅香港 ,林鄭月娥政府出賣我哋,特別係下一代年青人嘅利益,呢個林鄭月娥政府好無良!
 
附註:整理綜合資料製圖,不免粗疏錯漏,萬望包容見諒。
另上圖的資料來源:

(1)有關2043年人口估算,以及全球暖化人工島被淹的風險
資料來源:林超英,〈宏觀看人工島—只輸不贏的世紀大賭博〉,2018/8/29,立場新聞

全球暖化人工島被淹的風險:「全球暖化,海平面上升已成定局,此外海水溫暖令更多超強颱風出現,科學家推算過往50年一遇的海水高位到本世紀末可能成為年年可見。推銷2,000公頃人工島的所謂研究報告只以一個颱風模擬就作出「建島沒問題」的結論,更毫無提到氣候變化和海平面上升連鎖效應,工作十分粗疏,欠缺深思熟慮。」

(2)東大嶼填海起人工島的經濟效益

工程造價的資料來源:朱凱迪,〈踢爆東大嶼第一個大話:用2018 年價格計一個2025 年開工工程〉,2019/3/19,立場新聞
空氣質素的資料來源:健康空氣行動,〈住「明日大嶼」健康會有幾差?〉,2019/3/22,立場新聞

東大嶼空氣質素:「填海 1,000 公頃的交椅洲,基本上全個島空氣質素都超標!全年二氧化氮 (NO2) 的空氣質素指標是 40 微克/立方米,全個島都會超標介乎 1-20微克/立方米,最高有 50% ! .......單單上升 1 微克/立方米 NO2,全香港每年就會死多 160 人。超標20微克/立方米,即係死多 3,200 人!!政府咁鐘意講「社會成本」:每上升 1 微克/立方米 NO2,每醫院就要俾多 33 萬醫治心血管疾病,另外36 萬醫治呼吸道疾病。還未計一樣咁毒的 PM2.5 !本來如果無人住明日大嶼,大家完全不需要吸這些污染空氣。」

商業和住宅用地賣地收益的資料來源:
姚松炎,〈從東大嶼人工島的效益評估 學習「社會投資回報」計算與「邊際回報遞減定律」〉,2018/10/25,立場新聞                                                                                                   
姚松炎,〈東大嶼人工島賣地收入方案比較〉,2018-10-21, 立場新聞

(3)機會成本的資料來源:梁兆新區議員(公民黨),「反對東大嶼四大疑問」,東區區議會(康山)梁兆新議員(公民黨)網頁

網頁截圖

(4)政府管理和監督工程能力的資料來源:
資料來源:謝冠東,〈明日大嶼是一場收支災難〉,2019/3/20 ,立場新聞

政府過往的超支往績。例如高鐵由原定的 669 億元造價,超支到接近 900 億元(實際數字無從得知,因政府在支付了 844.2 億元後,要求港鐵為餘下造價包底,港鐵還為此支付特別股息以安撫股東);港珠澳大橋和蓮塘口岸則分別超支54.5% 和 108%;沙中線的超支情況更是難以預測。凡此種種,均令市民對明日大嶼的造價估算充滿戒心。 

(5)土地供應: 東大嶼人工島以外嘅其他選擇
資料來源:梁兆新區議員(公民黨),〈反對東大嶼四大疑問〉,東區區議會(康山)梁兆新議員(公民黨)網頁

網頁截圖

請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe