幾個月前，我在厠所中想出一個名銜叫做——「香港十大傑出婆婆」， 排第一位的是——白頭婆，今天她蒲白頭啦！
有做懲教的朋友說，有些監犯是慣匪，出册後， 久不久就會又衰咗回來——「咦！好似好耐冇見個犯D7689喎？」話口未完，D7689第二日就馬上報到入冊，聽講是十分靈十分準確的。
十大傑婆中的譚豬，昨日一開口——撐送中例，我就馬上想起以上的慣匪。果然話口未完，這傑婆中輩份最高的「頭婆」梁愛詩，又開聲啦！
她說，大陸經過五次法律改革， 法律進步 ，根本不必擔心大陸的法律 ，移交逃犯的擔憂是無稽之談，「多餘」的。
哈哈，經過五次法律改革 ，都改到生意佬、風扇劉嚇到標尿，咁嘅五次改革叫做「成功」！？
不必擔心大陸的法律，啱，是不必擔心——而是死心！
地下黨專家梁慕嫺話，香港周街地下共產黨，頭婆詩是不是？你自己判斷啦！香港家門不幸，1997年有個咁嘅人做律政司司長，怪不得香港法律由那一刻開始墮落。 其實白頭婆得閒就去下染髮、去街買吓餸啦！越開聲其實越是幫倒忙，保皇黨陣營中的豬隊友真係超低能、勁搞笑。
現在清清楚楚，這個送中例，是政治任務，十大傑婆——白頭婆、譚豬、777、犯婦人、僭建驊、掃把頭、加上就嚟入伍的鼠王芬⋯⋯——十婆齊發功，逃犯必面燶！
