眾新聞 Logo
眾新聞 CitizenNews
眾說

如果天真是罪


雖然遲咗,都要講吓。佔中九子案宣判,各人均有罪名成立,本非意料之外,不過見到法官指責佔中天真和不切實際, 都係不吐不快。

如果天真是罪,冇人挑戰現狀,人人只看眼前講實際, 社會還會有進步嗎?香港從小漁村發展成國際大都會,從封建小農社會發展自由法治社會,如果不是過去有人天真地挑戰現狀,可能嗎? 不知這位法官身世如何,但如果在一百年前, 一個出身一般的華人想做法官,肯定被人說是天真和不切實際。

如果天真是罪,冇人挑戰現狀,人人只看眼前講實際, 社會還會有進步嗎?美聯社圖片

如果天真是錯,小朋友寫我的志願, 是否九成九都要被先生打個大交叉退回?相信民主回歸、一國兩制、 港人治港、高度自治,是否要拉去遊街?相信會有真普選, 是否拉去浸豬籠?相信香港司法系統保障公義,是否拉去凌遲?

法官又似乎係政治評論員,識得話認為佔中會逼到政府讓步係天真, 不知佢又可否教教市民,點樣爭取民主才不是天真和不切實際,包贏的?孫中山搞革命,是否天真和不切實際? 甘地同曼德拉坐緊監仍相信會有未來,是否天真和不切實際? 馬丁路德金講我有一個夢,是否天真和不切實際?國際新聞, 阿爾及利亞同蘇丹民眾上街要求獨裁者下台,是否天真和不切實際?

不過到最後,以為唔搞政治,政治就唔會搞到你身上, 香港唔需要民主都可以保住自由法治,23條、一地兩檢、 引渡條例唔係身有屎唔使驚,做法官/親中派就可以明哲保身, 可能先係真正的天真和不切實際。 所以其實所有香港人都係犯咗天真和不切實際罪,除咗移咗民的。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe