426在香港特區「也愛國」的黑社會「編制」中 ，叫做「紅棍 」，是「行動組」的阿head ，指揮「執行家法」，斬腳筋，教人不寒而慄。426紅棍，赤色的打人棍，用來形容同類黑社會的中國共產黨，絕對合適，不止斬腳筋，直情黐孖筋！
剛剛30年前，4月26日 ，叫做似個人樣的老共——胡耀邦死了十日左右 ，那個中華人民共和國全國遊行 ，反貪爭民主，罷課，人人望住中國共產黨如何評價這十天的遊行。
點知一紅棍就兜頭扑來，人民日報426社論 ——「必須旗幟鮮明反對動亂」， 老共獨裁者鄧小平「一錘定音」，定性為——「動亂」！冇彎轉，同831一樣。 於是由4月27日到6月4日的四十天，由希望到絕望，由氣壯山河到坦克壓人、機槍橫掃、悲愴血影⋯⋯
三十年不變 ，今日426紅棍再來 ，送中扑到香港人頭上。「九龍塘三枝煙基叔」林榮基有金句——「今次真係唔「諗」走都唔得啦」！風扇劉嚇到要飛回楓葉國、但是生意佬竟然得戚，因為得特赦⋯⋯真是荒謬特區更荒唐！
「九子連環」要坐監 ，實在是紅棍撲殺所有佔中人，是可忍孰不可忍。
今次428 ，香港人竟然又要用血肉之軀，30度攝氏走出來力戰426赤棍，真係無聊、無力加無奈⋯⋯
但係都要企出來㗎！4月28日風雨不改，一定見到你。
作者按：本人絕無煽惑他人 ，眾新聞讀者人人有獨立思考能力 ，唔關我事。
