今天， 生意佬經民聯、自由黨會不會出嚟遊行反送中 ？ 白痴啦，送中例已經為他們度身訂造，剔除罪行 ，他們早己有了免死金牌 。
但正所謂——「你有壓力，我有壓力」 ，從來沒有人為我們「剔除罪行」喎 ，如果你們真是為香港、愛香港，你就應該企出嚟， 幫下我們冇錢人呀？
不過唔使諗啦 ，嘿嘿，怪不得共產老祖宗馬克思，都話資本家——是世界上最貪婪、無恥、自私的人。要共你的產——咁你就驚啦！其他階層人的事，就關人隱士。
他們連自由黨2003年反23條的小小勇氣都冇埋， 一蟹不如一蟹，話之其他人做大閘蟹。
不談生意佬了，昨天下午，我去了大館 ，在域多利監獄的監房和——高牆影相，當然馬上想起我們佔中入獄的雞蛋們，人家邵講師，戴著孖葉都想出席立法會做嘢，你今天手上尚未有手銬的時候，你都不出來行？
不過，着了草的林榮基叔叔，請放心， 由今次多個群組的反應， 很多從來冇波鞋、冇運動、冇遊行的三冇「東亞病夫」都磨拳擦掌，「傷疲盡起」，要「三點必露」在銅鑼灣站等，我敢話今天人一定不會少 ，而且勇敢在人人都預左要在雷暴大雨中行！最緊要的是，著涼鞋，著短褲 ，一條毛巾和黃傘。
