眾新聞 Logo
眾新聞 CitizenNews
眾說

八婆不是粗口,本八公今晚與你同在


嘻嘻 ,鬧佢八婆 ,我大把豬朋拍爛手掌,大快人心!

「八婆」當然不是粗口。八婆其實是「八卦婆 」的簡稱 ——「太極生兩儀,兩儀生四象,四象生八卦。」八卦即是包羅萬有,八卦女人,你問佢仼何嘢——由安心偷食到虛擬銀行牌照,佢都識答,自以為好打得,今次乸屎上身,冇嘢搵嘢嚟搞,呢鑊金。哈哈,胡志偉平時好少咁有火㗎喎!

八婆其實是「八卦婆 」的簡稱。八卦大致上的意思是包羅萬有,你有興趣,慢慢研究啦!網絡照片
 
胡志偉很少有咁大火氣喎。莊曉彤攝

保皇黨出賤招——要給「建制派最資深的議員做主席。」

銀行牌照有虛擬,其實建制和泛民也只是「虛擬」的 ,從來沒有見過「建制黨」和「泛民黨」。

明天阿涂可能出一招 ,突然「棄暗投明」,突然奶共,自認是建制派,又可以做主席啦!不然,老二梁耀忠也倐然自認愛黨,阿涂玩完到白頭梁玩,幾時輪到你石小三?
條例講到明,有一個議員反對,就要開會,現在夾硬什麼書面通過,真係難聽過粗口,恐佈過強姦。眾八卦女性也應該怒不可遏喎。

唔使講咁多,今晚八點鐘添美道見,本八公與你同在,帶定把可以擋雨嘅黃遮——「撑九子連環,決戰雙胞胎!」


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe