眾新聞 Logo
眾新聞 CitizenNews
眾說

石禮謙同共產黨中曬彼得定律


今年是「彼得原理」(Peter Principle)發表五十年,對石禮謙公公十分應棍,正正做人版。而家暑假,今年9月各大學開學,上堂必定引為「案例」。

簡單來說,彼得原理是——

在組織或企業中,人會因為種種原因,令他被升職到根本冇能力勝任的位置,最後變成該組織的障礙物及負資產!

各位在職塲多年,相信見不少這類人。

石禮謙根本冇能力做呢個主持位,保皇黨為求奪權,夾硬要升佢上神枱!兩次會議,一班保皇嘍囉,表面上是「簇擁」、其實係喪推住這兒皇帝,把一個阿伯,好像舞豬咁舞,推到眼鏡又飛甩、滿面通紅——肯定血壓接近爆燈,滿身大汗,又像被捉姦在床,講嘢揸咪震曬手,要自己的心臟科醫生在會場外stand by⋯⋯何必呢?⋯⋯何必呢?

我幾乎99% 肯定,石公公下一屆立法會,搵AK47指住佢,都唔會再出選。佢自己都話自己「無能」,還是回家湊石孫孫啦!

其實入得保皇黨,都係抵死㗎啦!不過這個大嚿石,就抵死得來加送黑仔。

眾新聞讀者一定推論到——其實整個彼得保皇黨,根本就冇能力升上去做立法會議員!

Peter仔當年宣布定律的時候,剛是50歲,今天彼得原理也剛是慶祝半世紀,真是一條很準確且有幽默感的定律,拍得住那條——「劣幣驅逐良幣」,嘿嘿,這兩條定律,也最啱中國共產黨。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe