眾新聞 Logo
眾新聞 CitizenNews
眾說

平日教人享受強姦 家陣咪睇你享受囉


FB睇到人講,依家啲商界朋友好多喊苦喊忽世界末日,同以前成日「教精」人點樣同中共打交道,真係好有趣嘅對比。

雖然我好少依啲朋友,不過平日睇新聞都見唔少,例如「香港咁細抵抗唔到㗎」「香港邊有議價能力」「人哋睇成個國家點會就你香港」「你香港人冇犯法咪唔洗驚囉」,當然仲有最絕的「橫掂都係比佢強姦,不如你地香港人學會享受強姦」。

依家呢,就可以全部 substitute「香港商界」入去,變成「香港商界咁細抵抗唔到㗎」「香港商界邊有議價能力」「人哋睇成個國家點會就你香港商界」「你香港商界冇犯法咪唔洗驚囉」「橫掂都係比佢強姦,不如你地香港商界學會享受強姦」。

今次中共擺明車馬,嗱,床都幫你準備埋啦。

你睇吓「星星報」,之前社評仲叫條例慢慢嚟,中聯辦一出聲就話去馬啦。真係慢慢強姦又得,立即強姦又得,得咗。何生,辛苦晒。仲有叫你果位驚比中共拉嘅朋友洗定屁股啦,就輪到佢㗎啦,同埋記住要咁講呀,根據維基語錄何生你以前咁樣教訓人㗎:「如果一個人奉公守法,驚乜嘢先?你今天不是預備做賊,那你怕甚麼被別人拘捕?你沒有值得怕的事情。」

聽講今次條例唔止有追溯力,仲可以沒收埋人家產,香港正式落實共產。雖然全香港人都跟埋PK一份㗎啦,但睇人PK都係好有趣。再學另一位著名親中商人金句,就係「有咁耐風流,有咁耐折墮」。

BTW 今次用咁多周星馳電影 cap 圖,係因為之前有人講鬧人八婆係咪侮辱女性,我就諗起下面依幕。其實女人都鐘意鬧人八婆,同埋,其實八婆都可以用嚟鬧男人。

 


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe