眾新聞 Logo
眾新聞 CitizenNews
眾說

做AO好大犧牲呀!


網上流出林鄭接受喉舌台訪問片段,雖然唔清,但我隱約聽到佢話咩為香港犧牲。唔係吓fa,犧牲?你呢世人做過咩先,咪就幾廿年來都做官囉,你唔係同我講你做AO係犧牲fa?開玩笑(國語)呀?

做AO,薪高糧準,做幾年已經閒閒地百幾二百萬一年(現時薪酬計),仲係包升職包加人工咁滯,有咩鑊咗又唔洗負責,包冇得炒,仲有醫療同宿舍,出外有AM車接送,D仔去英國讀書有津貼,仲拎埋居英權,退休每月份長俸隨時多錢過可能八成市民人工。咩犧牲呀?哦,離地到唔識買廁紙,唔識用八達通搭地鐵,好大犧牲吓話?定係比市民鬧幾句就係犧牲呀?

依家街上中槍的後生仔,大吉利是隨時殘廢,留案底就前途盡毀,如果係大學生分分鐘有學債,跟住網上比班五毛鬧廢青,抵死,都唔係犧牲,林鄭先係犧牲丫嘛。我真係寫到想嘔呀(阿sa式)。

法官謝沈智慧。

不過真係要引用,都係用返當年網上瘋傳的法官謝沈智慧嗰句好啲:

(啲警察)唔好成日犯咗法走上法庭,話佢哋服務社會。佢哋唔係免費服務社會,they are well paid for it!

請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe