眾新聞 Logo
眾新聞 CitizenNews
眾說

要停止抗爭嗎?


有人說:「我真的頂唔順那些港豬現在呼喚年青人要收貨不要再抗爭!這些所謂只要和諧不理在示威中被打傷及濫捕的人的死活真的令人髮指😡!我們要譴責這些蠢貨,下次最好把這些廢柴擋警察子彈。」

老兄講起我的火又嚟呀,啲人衝都冇衝擊,有啲人呢連遊行都冇出嚟,自己封自己係大佬,根據自己性格、習慣、觀念及標準來揸主意,指指點點。我有個朋友,話依照聖經看,襲警不對,阻路不對,但佢睇嘅嘢就只係揀一兩段片及一兩家傳媒來定論,排擠所有其他傳媒,指他們偏袒。

嚮應621包圍政總的市民,於早上11時許轉移陣地,改為包圍灣仔警察總部。美聯社
示威者又在警總外牆貼上「永不屈服」字樣。美聯社

我越嚟越睇低中國人,好低,冇一般思考力。民主派裡面一直鬼打鬼,自相傾斬,注定失敗。今次新人類出現,全新戰爭,和理非加上勇武抗爭合流,先至能打出一個局面。

再論返主題,啱啱見人又質疑人哋早前講遊行冇用論。我喺兩年前第一個講,篇文大部份人都睇唔明,之前嘅局勢係遊行不會有效果,今次亦不是單單遊行。6月9日103萬人遊行,當晚係眾志年青人帶頭留守立法會,聚合一些個別人士 。當堂畀人罵,話破壞咗佢哋嘅和平遊行。行過就係大哥,高高在上,人人自高自大,中國人失敗,原因在此。如果冇6月10號凌晨嘅衝擊,就冇6月12號嘅圍堵立法會,阻止開會,亦都不能引發6月16日二百萬人遊行,如果照一直的和平抗爭,不會出現今次局面。

示威者在警總的出入口堆起鐡馬,阻擋警總出路。美聯社

我寫篇文出嚟就係要催生新手法新思維,打開新局面。sorry,不是要光環……今次新人類出現,同心一德,本人呼籲老嘢忠誠跟隨年青人,不要指指點點,讀一點發展心理學。撫心自問,讀過幾多政治學、兵法?我所見前輩,律師又好,教師又好,在政治上一塌糊塗,而且已被政權睇穿,捉到路。例如司徒華教徒弟李卓人見好就收,鎖定利潤,死實啦。老一輩民主戰士,你要承認你不濟,而且年老了,質素會差,退下啦,老人驚驚青青,不宜領軍,退下火線啦,謙虛啲,跟隨年青人。

不怕犧牲,排除萬難,才能爭取勝利;畏首畏尾必敗。並無退路,唯有放手一拚。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe