眾新聞 Logo
眾新聞 CitizenNews
眾說

一日都喺嗰矮仔衰!


好大喜功嘅「維尼」自從開始管班洗咗腦嘅國民之後,自信心日益壯大。在國內嘅影響力滿足唔到小農心態嘅慾望後,自以為有如來佛祖嘅五指山,將手伸出去人哋嗰度;又以為懂得如來神掌,於是使出第十式——萬佛朝中,做到顧名思義嘅中國。

不過舊年畀個肥仔金學咗香港警察啲衰格,有支嘢喺手就亂射,攞哂威,搞到維尼好佩服,放下身段親自搵肥仔咬耳仔。講真,肥仔確實比小學程度嘅肥佬叻好多嘅。

近排維尼又俾霉國金毛獅王嘅貿易戰搞到一頭煙,又死要面又冇料,依家進退兩難。佢心諗一日都喺矮仔衰,搞乜秋嘢改革開放呃,閉門造車咪好囖,自己話哂事。

不過佢嬲矮仔嘅改革開放,點都唔及嬲收回香港多。要領土主權之嘛,收地就算啦,為乜事要接收嗰幾百萬冇奴隸性格、轉數快又硬頸嘅南蠻人?正笨蛋。

6.16二百萬零一個南蠻人齊齊上街Say No!真係幾難搞。美聯社

南蠻人從來都唔好惹,天生性格熱血,只可以順毛捋先至搞得掂。維尼就喺一嚿飯,喺人喺鬼都唔會同意妹仔嘅修例啦!正一人蠢冇藥醫。不過,蠢人仲有小明同小民兩隻豬頭丙,喺南蠻之地管咗咁耐,都唔知南蠻人唔喺人咁品。唔睇清楚就攞上嚟,即喺害朕啫。

將妹仔、小明、小民推出午門斬首!

另一個維尼最憎嘅人,就喺喬布斯,發明乜鬼智能手機,搞到個個人都成為記者、攝影師,乜鬼都影哂,想抵賴都唔得。一樖(po1)蔥仲呃人話喺啲南蠻人攻擊,所以餵蛋。搞到維尼喺全世界冇哂面。

西環、中環、灣仔加埋班港奸好黑心,聯手害維尼。第一,南蠻人唔喺鵪鶉,唔容易蝦,第二,南蠻人已經由 centralization 進化到 decentralization。新世代嘅南蠻人自我組織能力特強,根本唔需要阿頭,在網上大嗌一聲,啱聽就馬上有人響應。

包圍警總,話做就做,新世代嘅南蠻人自我組織能力特強。美聯社

依家推動任何條例唔喺話搵幾個阿頭講掂數就萬無一失,況且搵極都喺班奴才港奸;有卓見嘅黨派、人士一個都唔搵。維尼要求嘅三權合作對南蠻人喺冇作用㗎,豬豬。
唔該《大公報》唔好再口臭,話啲新世代阻路,影響其他人。用下個豬腦吖,呢坨屎喺邊個疴出來先?疴屎嗰個唔話,踩咗屎要求洗鞋嗰個就俾人鬧。咁都得?

大家諗諗,依家大部分人都企喺正義呢邊,比雨傘運動仲要多。所以我哋日日坐十個八個鐘街,啲市民都會明白體諒,唔會覺得喺搞事,因為200萬人喺無私奉獻!

維尼,不如咁啦,都喺保留個主權就算,啲人就畀返英國佬管啦,野蠻人管南蠻人合哂何車。年年進貢,歲歲來朝,坐喺太和殿接受參拜咪幾好咯?!

最後都喺鄺俊宇傳達嗰句話:不流血、不受傷、不被捕。

祝各位平安勝利!


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe