正所謂一百歲唔死都有新聞，住喺香港真係永遠有新奇聞共享。最新一單，當然就係警察話比醫護鬧就唔再返醫院警崗啦。嘩！原來比人鬧就可以唔返工，做私人機構有咩人未比客鬧過？一於全部罷工啦。其實都唔係公私之分，政府又有咩部門未比市民同傳媒鬧過？一於全港不分公私營大罷工啦。
領頭當然係林鄭同一眾高官：我咁盡力為香港都話要我下台，我一於離開崗位，問你哋怕未！
親中派：成日比人鬧保皇黨獻世派，我哋都罷工唔開會！
民主派：成日比人鬧反中亂港、收美帝黑金，我哋都罷工唔開會！
秘書處：成日比人鬧唔中立，我哋都罷工唔開立法會！
消防、食環、郵政、因航等：成日比方丈報用全版咁媽叉，一於罷工！
港鐵：成日比人鬧機器壞都加價，我哋都罷工罷駛！
巴士：成日比人鬧脫班、司機態度差、鬼巴士etc.，我哋都罷工唔開車！
法院：成日比人鬧判案判得差，黃屍官藍屍官乜乜乜，我哋都罷工唔開庭！
某大台：成日比人鬧係CCTV，我哋都罷工全日播雪花！
李超人：成日話我搞到冇颱風假，我就唔放力場睇你哋係咪咁想食風！
清潔界：成日比人鬧收垃圾唔做分類全部丟上車，我哋都罷工唔收垃圾！
財經界：成日比人鬧造市、演員、呃人，我哋都唔開市！
保險界：成日比人鬧似追數佬、難claim錢、搵笨，我哋都唔撈！
IT界：有親咩事都要人做到隻狗咁，你哋自己搞掂佢啦！
教育界：鬧人教蓄又盛，我哋唔教啦，你哋自己教返自己啲細路啦！
學生界：鬧人廢青又盛，我哋一於罷課唔返學！
醫護界：警察咁唔鐘意我哋丫嘛，一於見親警察有事都唔救，你哋自己救自己啦！
