626愛丁堡廣場集會冇嗌林鄭下台唔夠過癮，因為當晚目的是呼籲各國參與G20峰會的領袖關注惡法《逃犯條例》。不過，林鄭仍然撐警察使用過度武力驅散示威者，令人條氣繼續chok住。
好多人都覺得林鄭已經喺隻「跛腳鵝」，落唔落台都冇分別，乜都唔會做到。聽落好似好啱，諗落其實唔喺。「跛腳鵝」話有中央撐，唔使落台，在意識形態上，「跛腳鵝」喺贏咗。所以大家必須繼續嗌林鄭下台，咁樣中央先至知道換人嘅迫切性。
不過林鄭嘅性格喺包拗頸，中意對抗，越叫佢下台，佢就越唔下台。問心，如果冇下台階，就算自己都唔會就範啦！等於政府死都唔肯成立獨立委員會調查612事件一樣，大家條氣點會順呢？所以建議今天七一換個叫法：
林鄭——收皮！
有人話林鄭唔做搵邊個做，冇人噃？喺，環顧四周喺冇合適人選。英明嘅主上一錯再錯，如果再揀錯人，真喺好大劑。揀老懵董時，以為生意人一定叻，而且中央救過佢間船公司，一定感恩畀心機管理好香港。點知又喺搞到一鑊泡。其他打工心態嘅曾蔭權、中意鬥氣嘅地下黨員689都喺唔掂。以為靠老懵董搵隻惡雞乸一定冇死啦！點知仲大煲。
咁點算呀？！
其實大頭「維尼」用吓個腦啦，正如曾俊華競選特首時講，香港最需要嘅喺休養生息，唔好搞埋啲唔等洗嘅嘢。嗱，維尼，讀書少唔緊要，最重要識得反省。既然高壓手段唔掂，就要學香港人嗰句話：托「柒」要識轉膊。
所以依家最適合香港嘅管治方式喺「無為而治」。無為而治並非乜都唔做，而喺不過多干預，等民眾自由發揮。唔信？睇下香港七、八十年代經濟點樣突飛猛進就知啦。所以曾蔭權講嘅大市場、小政府一啲都冇錯。
咁搞港獨呢？傻啦！港獨思想根本就未形成，冇軍火點搞獨立呀，親？如果連安居樂業呢四個字都唔識，咁就唔該退位讓賢好嘞。
維尼一定講你哋班寫嘢佬，淨喺識口噏噏批評，建議呢？有……
頭先咪話咗「無為而治」囉，咁咪即喺搵個又笨又蠢又冇殺傷力嘅人做埋嗰三年咯！乜香港有咁嘅人咩？有，好多㖭，特別喺政府部門。邊個呀？咪就喺張建宗囉！
佢？！冇錯就喺佢。一個非常理想個人選。佢喺一個面懵心精嘅人，識得避重就輕，識得走位，唔會硬碰。睇下佢（嗰文膽）昨日（6月30日）嘅網誌寫得幾好。咁香港先至可以休養生息嘛。
三年啫，又唔喺叫佢做成世。如果三年都搵唔到人，咁就試下仲有多少吸引力嘅劉德華啦，三年後都喺60歲啫。呢三年一於搵張建宗啦！
