眾新聞 Logo
眾新聞 CitizenNews
眾說

學生從來都不是暴徒啊,你們才是!


究竟咩是暴力?藍絲一天到晚講「暴力就是唔岩,犯法就是錯!」但是而家到底是邊個暴力呢?

學生唔爆塊玻璃,又點入去呢個象徵著制度暴力的頂峰──立法會呢?呢個是意識形態的展現,是人民宣示力量的方法,就是呢個立法會,過咗一條條粗暴的法例,甚至有一班民賤聯為虎作倀、強行通過一條又一條香港人不同意的法案,強姦香港民意—我倒覺得今次,年青人是選對了建築物了。暴力,是林鄭你默許暴力的發生,你甚至贊成制度中暴力的發生。議會不嬲都很暴力呀,強行DQ人、強行剪布、強行修改議事規則。霸王硬上弓,邊個暴力呀?他們係入去刑毀,但卻沒有破壞文物/圖書館、甚至俾100蚊出嚟買嘢飲(100蚊紙買嘢飲是咩玩法?!),乜暴徒會俾100蚊買嘢飲架咩?!

暴力,是一百萬人遊行你唔聽、二百萬人遊行你唔聽、三人死諫你唔聽──打爛塊玻璃就話人暴力。暴力,是你唔聽人講,人哋再要求,你就請人食催淚彈/橡膠子彈;你根本無正面回應過人民的訴求、你唔聽人講嘢,呢樣又暴唔暴力呢?操控大台成為你的輿論機器、用絕對的權力壓過人民訴求,甚至洗人民腦,咁又暴唔暴力呢?

暴力,是你一次又一次講大話,口中話聆聽年青人聲音(雖然真心無信過你),嗰頭連見下民主派議員都唔肯,話「哂時間」。請大家明白,今次年青人是被逼上梁山,我哋用過咁多方法,汗血淚都流過,換來的只是一句「暫緩」—頂你,我哋乜都無爭取到架仲係!!嗰5大訴求呢!釋放義士呢!撤回暴動定性呢!!

示威者七一晚闖入立法會佔領三小時後,林鄭月娥、李家超、盧偉聰和張建宗,七月二日凌晨4點在警察總部召開記者會,譴責暴力,並稱會追究到底。《蘋果日報》照片

暴力,是你凌晨四點開記招,記者問你N次「你害死咗咁多人,會唔會落地獄」你都唔答──我幫你答啦,地獄 is waiting for you。我對我信的上帝有信心,係唔會俾你呢D喪心病狂的殺人犯上嚟,你口裡承認但行為極惡,上帝唔會留位俾你,一定將你送回地獄,永火焚身!除非你痛切悔改,不過你一路都無。

我的結論是,因為你是既得利益者嘛。所以待人暴力也沒什麼,反正你躲在警察的盾牌後面就好,安全得很──嘩,你仲話是眾人之首,你講唔講得出口呀。耶穌話最大的要做最小的,最大的要幫最小的洗腳架喎。你?哼。講暴力,我們都要向你學習就真,我們拍馬也追不上。

大家知道嗎?「暴力」,唔一定係「肢體衝突」、「打交」就是暴力,唔係「講粗口」就是暴力。犯「法」是錯、但犯「罪」才是真正的錯。真正的暴力,是不費自己之力,赤裸裸地用制度、用權力,打人落十八層地獄。呢D先是高級暴力,亦是最難對付的暴力。法律也可以是錯的(難道內地D法律都唔會錯?!),點解大家可以非黑即白地話「暴力就是唔啱,犯法就是錯」呢?

我話你聽,學生不是暴徒啊、你們才是,你們是道德上無可推諉的暴徒。我信耶穌,但我希望三位死者冤魂日日纏你身、陰魂不息,直至你回轉為止,要讓你與你的問責團隊,以及一眾建制派求生不得、求死不能。我祝願你靈魂深處的聖神/聖靈/良知whatsoever,日日夜夜譴責你,鄙視你這個毫無惻隱之心的生物,你連為人也不配(當年狼英都唔配我咁鬧佢,但你真係絕對當之無愧)!

我絕對不會支持暴徒的──我講緊是你呀林鄭。暴你老母!


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe