【撰文：小鳥】
講真，對警察暴行，我已經超越咗「憤怒」呢兩個字。本來想寫一篇分析，但今晚沙田新城市廣場的畫面，實在好超現實。
寬敞潔白的沙田新城市廣場，名店並列，看看裝修全是 Hi-end 貨色，video 所見，警察衝入廣場向示威者大開殺戒，背景是名店如Bally、Coach，等等…… 所謂你身上少個崩都唔敢行入去怕俾人渺視你嘅地方，啲客都唔會cheap 得去邊嘅地方。
呢個畫面之所以震撼，係因為啲國際品牌見到自己個 Brand 出現在這種畫面一定會好唔開心。形象對高級品牌好重要，我賣個手袋幾萬蚊，舖租好似倒水咁倒俾你，你估真係靠 walk in 咩？都係賣個 image啫，你喺我門口上演殺戮戰場？你係唔L係呀？
如果香港俾警察如此不顧一切咁「做嘢」，消費者仲會唔會再去行 mall 呀？諗下我成身名牌，又Gucci、又LV咁同一家大細入嚟駛錢，仲要受你氣同搵命搏？你容乜易衝埋入Landmark 同 Element 㗎？
呢啲畫面，係為香港政治不穩定在國際商業社會提供了證據，政治不穩定 = 經濟不穩定，即使現正未有行動，以香港政府和警察這種做法，只要他們下個決定，唔知香港有乜品牌可以撐得住呢啲吉舖呢？到時 Mall 姐都搞唔掂啦！
警察知識水平低我哋知，咁你上面做大嘅都有少少腦先得㗎，好似「香蕉糖」撩人隻揪呢啲咁嘅貨色又點入得大雅之堂吖，就算你老頂係習大大，佢都唔會戇居到拆自己招牌——一國兩制個大話重要講落去㗎大佬，有啲嘢醒少少得唔得？
