【撰文：幾個師奶 】
我們只是幾個「師奶」（其實我們都大學畢業，都曾有過不錯的工作！）雖然對修例很反感，但我們沒有年輕人「衝」的勇氣！我們有參加遊行，而且通常只參加民陣的遊行，因為視之為正統！每次遊行完，就會拖著疲乏的身軀回家！對於我們這些平時連運動也不會做的師奶來說，其實遊行真是很累的！（逛幾小時商場購物倒沒所謂，因為商場有冷氣，走累了，又可吃個下午茶嘛！）但是遊行，天氣又熱，人氣又臭！每次遊行完，都想死！都會問，林鄭月娥，你究竟幾時出來回應呀？
我們還要出來遊行多少次呀？
那夜看到元朗西鐵站，那班白衣人無差別打人，連大肚婆也不放過！我們真是「嬲到震」！女人都打？連大肚婆都打？白衣人有無阿媽生㗎？簡直無人性！
師奶群組中起哄，「班人好似食錯藥咁！痴線㗎！」、「成班男人打女人，懦夫！」、「啲警察死晒去邊？」、「真係想同佢地死過！」、「嚇死人呀！如果我喺車廂，實死冇生！」大家七嘴八舌！然後呢？好像沒有然後⋯⋯
第二天，看完林鄭同一哥，帶著十幾塊「活動布景板」出來開記者會，問非所答，九唔搭八，火都嚟！師奶群組又起哄！「關心國徽，多過關心市民條命！痴線！」「又係好似錄音機咁，講埋晒啲廢話！」、「將元朗、上環拉埋嚟講！想將責任推落示威者身上，好卑鄙呀！」、「利君雅都叫佢講人話呀！死未！睇住林鄭面都黑埋！」「佢地高床軟枕，點會瞓唔著覺吖!」「吓？成班垃圾唔答問題，行咗去呀？駛唔駛咁寸呀？」
忽然，有人彈了一句，「如果而家有遊行，我即刻出嚟行！好嬲呀！」emoji 嬲嬲嬲！
哦！原來我們幾憤怒也好！我們最後想到的也只是「出來遊行」！政府高官同班建制派，不知道會否掩咀偷笑？那又如何？我們是奉公守法的市民，「唔係咁樣，可以點樣？」你班高官建制咪笑到夠咯！如果年輕二十年，我們也會去「衝」呀!
好！大家約定一齊入元朗遊行！「咦？會有遊行舉行嗎？沒聽過喎！」「會卦？」
又過了一天！群組又起哄！「有光復元朗遊行呀！」、「係咪民陣搞㗎？」、「究竟係 27 定 28 號呀？星期日要返奶奶度食飯呀！」、「元朗喺邊呀？點去呀？」、「唔知喎！到時至算啦！都係約埋一齊去嘅啦！」
忽然，有人問：「驚唔驚佢地會打人呀？班人冇人性嘅喎！」「係呀！佢地話要保衛家園！大條道理打人㗎！」其實大家有少少驚，但似乎「嬲」還是多於「驚」!「元朗佢哋㗎！我哋夠要保衛香港咯！」「遊行人數夠多的話，佢地敢亂來嗎？」於是七咀八舌，最後決定還是要去表達我們的不滿！但是，以防萬一，要帶些什麼東西去自保！帶長柄雨傘？頭盔？還是帶⋯⋯「防狼器」！大家一輪輪 emoji 笑笑笑！之後又想了很多離奇古怪的方法！但恕不能在此公開，因為怕「敵人」有所防範！是的，很荒謬，發夢也沒有想過，竟然要準備自衛「武器」去遊行！
只是想告訴大家，我們幾個師奶仔，又驚又怕死，但又十分憤怒！我們連遊行是什麼人發起的？正確的遊行日期、集合時間、地點都不知道？甚至連如何入元朗都不知道，但我們都想入去遊行，要告訴政府，我們十分失望！不，不是失望、不是無奈！而是極度憤怒！我們唯一可以做的就是去遊行！我們還可以怎樣？
