眾新聞 Logo
眾新聞 CitizenNews
眾聞

中資銀行員工:公司周一要開會點名 我哋唔敢罷工但身在曹營心在漢


網民發起周一(8月5日)罷工罷市罷課,要求政府回應民間五大訴求。有中資銀行員工林小姐(化名)向眾新聞透露,今天接獲管理層通知,要求員工下周一開部門大會,所有同事必須出席,而且會點名、有會議紀錄,「即係邊個有返工、冇返工,一目了然。我哋唔敢請假,唔敢參加罷工啦。」

林小姐說:「我和幾位同事,本來想下星期一罷工。但公司部門負責人昨天同我哋講,話唔批同事星期一請假。有人立即問,病假咁點,部門負責人會向管理層匯報所有請假同事名單,無論係事假、病假都向上匯報,仲暗示除非係一早請咗假唔喺香港,否則放假會劃一當罷工。」林小姐說,到了今天,公司就出了「記名開會」一招,阻止員工罷工。

中資四大銀行包括:中國銀行、中國工商銀行(亞洲)、中國建設銀行、中國農業銀行。林指,在港中資金融機構負責人,已收到中央指示,要向員工表明不要罷工。《蘋果日報》今天報道,海通國際證券出了內部聲明,提醒員工嚴格遵守《僱員手冊》,提及「特別是任何員工不得未經授權代表公司行事或在工作時間參與未經批准的政治活動。一經發現,會被視為嚴重違法雇(僱)員守則,公司將採取相應紀律措施」。

林小姐說:「有關報道刊出後,其他行都學精咗,唔敢出聲明,只會出口術。我哋好想罷工,但因為公司壓力唔敢罷,所以要用另一種方法俾大家知道,我哋點解唔可以當日同大家一齊,其實我哋身在曹營心在漢!即使星期一罷工人數唔多,實際上有好多人都係支持㗎!一齊加油!」

她表示:「6月9日遊行前,公司出過通告溫馨提示員工,香港未來幾日有集會,叫同事小心唔好去多人地方,我哋有啲有證監牌嘅香港人同事,更加有部門負責人搵佢哋傾偈,提佢哋喺不合法嘅聚會出咗事,要馬上通知上司,上司會向管理層同 Compliance 報告,好似暗示會搞到佢冇咗個牌,所以大家都好驚,預咗一定秋後算帳,要打爛我哋飯碗。」

記者向上述中資銀行,查詢周一是否讓員工罷工、當天是否要記名開員工大會、如有人沒上班是否有懲罰等,未獲回覆。

另外,職工盟表示,旗下全部95個屬會已動員周一罷工,亦有一些非職工盟的工會將嚮應行動,涉及巴士、航空、港鐵、高等教育界等行業。反送中社福聯合陣線表示,多於2000名社福界同工及33個單位指,會響應周一罷工;39個單位會在當日維持有限度緊急服務。相信稍後有更多人加入。




請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe