眾新聞 Logo
眾新聞 CitizenNews
眾聞

【8.5三罷】OL全黑衣、無口罩參與港鐵不合作運動:你想行屍走肉,定係挺起胸膛做人?


 

鑽石山站不合作運動期間,陳小姐悠然坐在月台的椅子,支援年輕人。吳婉英攝

8月5日早上,港鐵多個車站有不合作運動。在鑽石山站,月台上「不願服從」的年輕人與車廂內想「如常生活」的人群對峙,引起連番躁動,及後港鐵宣布列車暫定服務,人潮退去,才見一身黑衫黑裙的陳小姐悠然坐在月台的椅子上,她是芸芸口罩人群中,少數人願意以真面目示人者。

陳小姐說,她住在鄰近地區,以防公共交通有延誤,她今早乘坐的士到來鑽石山站,在不合作運動開始前15分鐘、7時15分到達。她視港鐵不合作運動為罷工一部份,「我只係喺(年輕人)側邊睇住,譬如有啲女仔揸住紙牌,我會跟住佢哋,因為驚有人衝擊佢哋」。這場反送中運動,陳小姐一直支持,自6月起就參與多場遊行,「我一路都follow佢哋做緊嘅嘢,做得幾多(得幾多)去支持佢哋」。

陳小姐年過50,從事文職工作,過去10多年追隨同一個老闆,工作穩定。這次是她首次罷工,「我印埋《勞工法例》畀老闆睇,我係罷工,唔係請假;亦都話畀佢知,佢可以點懲處我。」老闆當下未有明言會否追究。

被問到何以下定決心罷工,陳小姐回應說,她沒有車、沒有樓,不用養家,只需養自己,可謂沒有包袱,「唔好睇到自己咁大。你想行屍走肉,定係挺起胸膛做人?」

我諗過如果(老闆)追究,我覺得我係承受得到。(最嚴重是)炒魷魚咋嘛,佢仲可以對我點啫?……唔好話為將來,(參與反送中運動)只不過係(維護現有的)自由。好似朝頭早攞衫著,你有冇諗過:我今日唔可以著黑衫?呢個已經係恐懼,已經冇咗自由。你真係要咁樣繼續落去咩?我唔願意坐以待斃。




請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe