眾新聞 Logo
眾新聞 CitizenNews
眾說

中學女生抗爭日常──同我哋女仔對話先啦


【撰文:心義】

「偽娥」落區有如上戰場。早前探訪老人院,四周佈滿重裝備防暴,去老人院都搞成咁,唔知以為捉拉登餘孽!

下星期四對話會必定如臨大敵,分分鐘裝甲車、水砲車都出埋。

所謂對話會,取共識及意見,了解市民訴求。救命呀!市民和同學訴求講咗3個幾月啦,「偽娥」妳聾咗or盲咗呀!今日返學前,我隔離屋的阿嬸都識講黑警停止唔再狂打年青人,停止唔再亂拉人,個局面已經可以暫緩啦!讀咁多書,個腦擺係pat pat咩!聽得我哈哈笑,阿嬸政治思維果真勁!

有心對話又何須等到今天,還要諸多限制,十分明顯是為了10.1前做到修補工作, 是市民不接受,破壞社會安寧。

市民爭取合理法治制度及合理執法絕非麻木主導,亦代表對政府不信任及執法不公偏頗。

黑警執行政治任務,人權價值觀去了哪?

所謂溝通平台建基誠意,無需做大龍鳳。我話特首首先早應該要同中學生對話,你驚男學生激進,就同我哋女仔傾先啦,你是不是淆底呀!

周四沙田區的人鏈,參與的女學生不少。美聯社

請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe