眾新聞 Logo
眾新聞 CitizenNews
眾說

自己不敢扯旗,卻老點人哋升旗


不少學校淆底,準備10月1號前後,不舉行校內升五星旗禮。教育局説,這是——「發出錯誤訊息,將少數人對國家觀念、國民身份的誤解合理化」,要求學校,照舊辦升旗禮。

一個在七月一號自己不敢公開看升旗禮、要改為室內鬼鬼鼠鼠看螢幕的政府,竟然要求人家照舊升旗?

七一升旗禮,只有紀律部隊在室外升旗。政府新聞處照片
大官們個個躲進會展中心看螢幕睇扯旗。政府新聞處照片

你自己當然是覺得風險勁大才這樣搞扯旗禮,人家中學也是一樣,你現在扮正義,話人發出錯誤訊息,要將人家擺上台,夾硬把這風險轉嫁俾中學。

如果照樣升旗,有學生即時唱「香港國歌」,或者大叫「光復香港、時代革命」,咁樣,就搵著訓導老師來搞啦!用什麼校規來處罰他們?喧嘩?行為不檢?要記缺點?或者甚至記小過,咁就要見家長,家長來到學校,必然——拍枱反枱⋯⋯無事生非。

又一次老點教育界。

教育界成日都講,你跟教育局做新嘢新政策,一定是——「行先死先」,切勿跟車太貼,今次絕不例外!

唔好講咁多,你港共政府及教育局,10月1號自己公開扯旗——發出正確訊息!勿再打嘴砲搵中學笨實。


請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe