眾新聞 Logo
眾新聞 CitizenNews
眾聞

銀髮族為15歲逝世少女向警高呼:沉冤待雪


 

銀髪族昨午起在灣仔警察總部外靜坐48小時,抗議反修例運動4個多月,港府決策不公、警察暴力襲擊市民及濫捕等情況越趨嚴重,並關注有年青被捕者控訴在拘捕期間受到警員的性侵害。昨有近200名長者參與活動,約60人通宵留守。他們一度隔著水馬,為15歲逝世少女向警員高呼:「陳彥霖,沉冤待雪!」

銀髮族Facebook表示:「我輩雖未能時刻與年青人共同在最前線抗爭,但保衛香港核心價值及青年人未來的責任卻時刻在心,不敢怠慢。」銀髮族要求立即設立獨立調查委員會,對有示威者表示被警察性侵害事件作出調查;抗議警方濫權、濫捕、濫暴;反對將扣留時間由48小時改為72、96小時;呼籲警方遵守保護兒童權利公約。

銀髮族,老而不廢,4個多月以來多次上街支持青年。EYEPRESS圖片

靜坐由昨午2時至周一下午2時,活動沒有申請不反對通知書,參加的長者都表示不怕有被捕風險,有感已上了年紀,但求為年輕一代出一分力。他們高呼「光復香港、時代革命」、「六大訴求,缺一不可」、「香港人、反抗」、「解散警隊、刻不容緩」等口號。有長者帶著椅子、紙皮坐在地下,現場又有人向他們派發食物。

晚上,他們在警總水馬前高呼:「陳彥霖,沉冤待雪!」有長者喊:「毅進仔,又唔讀書」、「你都有仔女架」、「你會有報應架」、「黑警唔敢戴委任證、唔敢有編號」、「解散警隊」等。其餘時候,銀髮族便以自己的方式靜坐,與年輕人齊上齊落,有老人摺紙鶴製作連儂牆、有人休息、看書、寫字。

藝人阮民安(Tommy)到警總外支持銀髮族,送寶礦力至物資站,獲長者鼓掌歡迎,又有人與他合照,同叫「加油」。他指,得知銀髮族靜坐,認為相當難得,故前來為老人打氣。

62歲的方伯伯是其中一位參與者。他隨身帶了兩日的藥丸、又帶了乾糧。他患有肝癌,前幾天去了做化療。問他為何出來,他說:「年輕人為我哋擋子彈,我哋出嚟坐番幾日都好應該啊。」

方伯伯。黃思銘攝

「612年輕人為我哋擋咗第一下,令到反送中過唔到,佢哋已經犧牲咗好多,我哋銀髮族要接力,我哋要感恩。」、「點解香港人咁憤怒?你要執法咪正常拘捕,但額外做好多嘢,狂打、狂拉,見到邊個唔順眼嘅又拉,令我哋好憤怒,好似新屋嶺。」

他說,社會的傷口需要好幾個十年去撫平。「未來呢幾十年裏面,呢一代嘅年輕人,有知覺嘅都唔會鍾意警署。呢種情緒會累積幾十年。就算滿足咗五大訴求,呢一代人都會繼續嬲警察。」

麥伯伯。黃思銘攝

70多歲的麥伯伯坐在一張紙皮上,打算盡力坐夠48小時。他自言是「收成期嘅人」,「有家業、有財產、孫都有幾個。」

「我哋年紀大,行唔到前頭啦,就靜坐支援下前線。和理一家,遍地開花。佢哋拉頭我哋就跟尾。」、「下一代為我哋擋子彈,點解我哋唔支持佢?」

「點解差人打細路哥打得咁緊要呢,係咪細路哥錯晒啊,你差人有冇錯,點解無人告差人?」他認為,香港是「三民主義」:順民、移民、刁民。「順民唔想做啦,移民就無能力,唯有做刁民。我哋要行出嚟話俾香港政府聽,人民有反抗嘅自由。」

「我哋對下一代唔住,因為以前我哋縱容咗香港政府,以為可以得過且過。但而家唔可以啦,一國一制已經喺我哋眼前。我長命嘅就仲有20年,短命嘅可能聽日走,但一代一代嘅後生仔,仲有好多個明天。」

麥麗貞退休前,曾任香港電台製作人員工會主席,敢於發聲。黃思銘攝

65歲的麥麗貞,退休前在香港電台任職多年,曾任港台製作人員工會主席。她多年來關注香港社會發展,有感「政府一蟹不如一蟹」。

過去四個月,她直斥很多事情已超越她的道德底線,「政府態度差劣,根本唔係想解決問題。警暴不斷升級,我唔忍心年輕人犠牲。612、721、831、好多好多嘅事已經完全超越咗我嘅底線。」

「政府、警察唔講道理,話超過3個人就拉得、後生又拉得、阻差辦公又拉得啦。以我嘅認知,係要有合理嘅懷疑先可以咁講,但而家係佢講就得,佢就係法律。」

麥麗貞有感而發:「6、7、8月時,成日睇直播,跟得太貼好多嘢都做唔到,睇到好唔開心。只可以搵啲志同道合嘅人講,但又愈講愈唔開心。」她提到中大女生Sonia日前除下口罩,講述自己遭受警暴及性暴力的事情,「好痛心,呢啲發生喺小朋友身上好難接受,我相信好多人都同我一樣瞓唔著。」麥麗貞說,她會一直支持年輕人。

長者為下一代,站出來。EYEPRESS圖片

昨日銀髮族靜坐中,有一位16歲前線青年參與,坐在長者旁邊。他說,到場即聞到老人的藥油味,天氣亦相當濕熱,但有感一班銀髮族仍坐著48小時,認為他們「好偉大」,「佢哋企出嚟都付出好大嘅勇氣,作為一個年輕人,如果有時間嘅,點解唔支持下佢哋呢?」

4個多月來的抗爭,他坦言十分疲倦,「成日都會見到有人喺我隔離中槍,亦有人體力不支。攰就一定會,但因為我哋緊張呢個香港,緊張呢個屋企,攰其實唔重要,重要係個成果,真係做到嘢。」




請加入成為眾新聞的月費訂戶,長期支持我們的工作。所有訂戶都可以收到我們的「每周時事」通訊 。

月費訂戶網址:hkcnews.com/aboutus/#subscribe